అబ్బాయిలకు వెండి.. అమ్మాయిలకు కాంస్యం

ప్రతిష్టాత్మక చెస్‌ ఒలింపియాడ్‌లో డిఫెండింగ్‌ చాంపియన్‌ హోదాలో బరిలోకి దిగిన భారత్‌ ఈసారి రజతంతో సరిపెట్టుకుంది. ఆదివారం జరిగిన ఓపెన్‌ సెక్షన్‌ ఆఖరి రౌండ్‌ తప్పక గెలవాల్సిన మ్యాచ్‌లో భారత్‌.. హంగేరితో మ్యాచ్‌ను 2-2తో డ్రాగా ముగించింది. ఉజ్బెకిస్థాన్‌ జట్టు తమ చివరి మ్యాచ్‌లో 2.5-1.5తో ఉక్రెయిన్‌పై గెలిచి స్వర్ణం నెగ్గింది.

సమర్‌కండ్‌: ప్రతిష్టాత్మక చెస్‌ ఒలింపియాడ్‌లో డిఫెండింగ్‌ చాంపియన్‌ హోదాలో బరిలోకి దిగిన భారత్‌ ఈసారి రజతంతో సరిపెట్టుకుంది. ఆదివారం జరిగిన ఓపెన్‌ సెక్షన్‌ ఆఖరి రౌండ్‌ తప్పక గెలవాల్సిన మ్యాచ్‌లో భారత్‌.. హంగేరితో మ్యాచ్‌ను 2-2తో డ్రాగా ముగించింది. ఉజ్బెకిస్థాన్‌ జట్టు తమ చివరి మ్యాచ్‌లో 2.5-1.5తో ఉక్రెయిన్‌పై గెలిచి స్వర్ణం నెగ్గింది.

ఆ జట్టు ఖాతాలో మొత్తంగా 20 పాయింట్లుండగా భారత్‌ 18 పాయింట్లతో నిలిచింది. ఇక అమ్మాయిల విభాగంలో 3-1తో చైనాను ఓడించినా కాంస్యంతోనే సంతృప్తి పడాల్సి వచ్చింది. విమెన్స్‌ కేటగిరీలో చైనాకు గోల్డ్‌, కజకిస్థాన్‌కు సిల్వర్‌ దక్కాయి.