Visit:
న్యూఢిల్లీ : అధిక కొవ్వు, చక్కెర ఉన్న ఆహార పదార్థాలను స్కూళ్లకు 50 మీటర్ల పరిధిలో అమ్మకుండా నియంత్రణ విధించేందుకు భారత్ సిద్ధమవుతున్నది! జంక్ ఫుడ్ వల్ల ప్రజల్లో ముఖ్యంగా పిల్లల్లో ఊబకాయం పెరగడంపై ప్రభుత్వం ఆందోళన వ్యక్తం చేస్తున్నది. ప్రతిపాదిత నిబంధనలు అమలైతే దేశంలో 15 లక్షల స్కూళ్లకు దగ్గరగా ఉండే కుటుంబాలు నిర్వహించే దుకాణాలు, హోటళ్లు, ఆహార స్టాండ్లు అమ్మే అధిక చక్కెర కలిగిన పానీయాలు, జంక్ ఫుడ్ అమ్మకాలపై తీవ్ర ప్రభావం పడుతుంది.
బహుళ జాతి సంస్థల వ్యాపారాలపైనా దీని ప్రభావం గణనీయంగా ఉండొచ్చు. చిన్న వయస్సులోనే పిల్లలను అనారోగ్యకర అలవాట్లకు దూరంగా ఉంచేందుకు ఈ తరహా మార్పులు అవసరమని ఎఫ్ఎస్ఎస్ఏఐ సీఈవో రజిత్ పున్హనీ తెలిపారు.
