Viral Video | పంజాబీ సాంగ్‌కు చిన్నారి క్యూట్ పెర్ఫామెన్స్‌

పంజాబీ సాంగ్‌కు చిన్నారి చేసిన క్యూట్ డ్యాన్స్ వీడియో (Viral Video) ప్ర‌స్తుతం నెట్టింట వైర‌ల‌వుతోంది.

న్యూఢిల్లీ : పంజాబీ సాంగ్‌కు చిన్నారి చేసిన క్యూట్ డ్యాన్స్ వీడియో (Viral Video) ప్ర‌స్తుతం నెట్టింట వైర‌ల‌వుతోంది. స్కూల్ యూనిఫాం ధ‌రించి పాపుల‌ర్ పంజాబీ ట్రాక్‌ భాభో కెహంది ఈ సింగా వెల్నా లియాకు పాప చేసిన డ్యాన్స్ ప‌లువురిని ఆక‌ట్టుకుంది. వీడియోలో స్కూల్ విద్యార్ధిని డ్యాన్స్ చేస్తుండ‌గా చుట్టూ చేరిన ఇత‌ర విద్యార్ధులు చ‌ప్ప‌ట్ల‌తో ప్రోత్స‌హించ‌డం క‌నిపిస్తుంది.

 

View this post on Instagram

 

A post shared by P R A T I I K (@allidoisfun)

డిజిట‌ల్ కంటెంట్ క్రియేట‌ర్ ప్ర‌తీక్ ఈ వీడియోను షేర్ చేయ‌గా ఇప్ప‌టివ‌ర‌కూ 60 ల‌క్ష‌ల వ్యూస్ ల‌భించాయి. ఈ వీడియోలో చిన్నారి ప్ర‌ద‌ర్శించిన పంజాబీ ఫోక్ డ్యాన్స్ మూవ్స్ ఆక‌ట్టుకున్నాయి. ఆమెతో పాటు ఇత‌ర చిన్నారులు కూడా డ్యాన్స్ చేస్తున్న వీడియోను గ‌మ‌నిస్తే ఇది ప్రాక్టీస్ సెష‌న్‌లో రికార్డు చేసిన‌దిగా క‌నిపిస్తోంది.

యూకేజీ చ‌దువుతున్న ఈ పాప పేరు వార్య‌, ఆమె క‌న‌బ‌రిచిన హావ‌భావాలు చూసి ఆశ్చ‌ర్య‌పోయా అని వీడియోకు క్యాప్ష‌న్ ఇచ్చారు. ఈ పాట‌కు ఇదే అద్భుత‌మైన‌, క్యూటెస్ట్ డ్యాన్స్ అని ఓ యూజ‌ర్ కామెంట్ చేయ‌గా, చిన్నారి డ్యాన్స్ పెర్ఫామెన్స్ ఆక‌ట్టుకుంద‌ని ప‌లువురు యూజ‌ర్లు కామెంట్స్ సెక్ష‌న్‌లో ప్ర‌శంస‌లు గుప్పించారు.