రాయపోల్‌ నూతన ఎస్‌ఐకి ఘన సన్మానం!

రాయపోల్‌ పోలీస్‌స్టేషన్‌ నూతన ఎస్‌ఐగా బి.లింగం బాధ్యతలు చేపట్టిన సందర్భంగా శుక్రవారం పలువురు నాయకులు ఆయనను మర్యాదపూర్వకంగా కలిశారు.

రాయపోల్‌, అక్టోబర్‌ 9 : సిద్దిపేట జిల్లా రాయపోల్‌ పోలీస్‌స్టేషన్‌ నూతన ఎస్‌ఐగా బి.లింగం బాధ్యతలు చేపట్టిన సందర్భంగా శుక్రవారం పలువురు నాయకులు ఆయనను మర్యాదపూర్వకంగా కలిశారు. ఈ సందర్భంగా ఎస్‌ఐ బి.లింగంను శాలువాతో ఘనంగా సన్మానించి శుభాకాంక్షలు తెలియజేశారు.

నూతనంగా బాధ్యతలు చేపట్టిన ఆయనకు అభినందనలు తెలిపి, భవిష్యత్తులో మరిన్ని విజయాలు సాధించాలని ఆకాంక్షించారు. ఈ కార్యక్రమంలో ఎంఆర్‌పీఎస్‌ రాయపోల్‌ మండల అధ్యక్షుడు
అయ్యగల్ల రవి, రాష్ట్ర నాయకుడు పుర్ర నర్సింలు, మాజీ సర్పంచ్‌ రామోళ్ల స్వామి, జర్నలిస్ట్‌ ఉషణగల్ల శ్రీనివాస్‌ తదితరులు పాల్గొన్నారు.