శంషాబాద్ ఎయిర్‌పోర్టులో భారీగా బంగారం ప‌ట్టివేత

Shamshabad airport | బంగారం స్మగ్లింగ్‌కు పాల్పడుతున్న ఇద్దరు మహిళలను శంషాబాద్‌ విమానాశ్రయంలో కస్టమ్స్‌ అధికారులు పట్టుకున్నారు. వారి వద్ద నుంచి రూ.74,02,500 విలువైన 1410 గ్రాముల బంగారు ఆభరణాలను

హైద‌రాబాద్ : బంగారం స్మగ్లింగ్‌కు పాల్పడుతున్న ఇద్దరు మహిళలను శంషాబాద్‌ విమానాశ్రయంలో కస్టమ్స్‌ అధికారులు పట్టుకున్నారు. వారి వద్ద నుంచి రూ.74,02,500 విలువైన 1410 గ్రాముల బంగారు ఆభరణాలను స్వాధీనం చేసుకున్నారు.

వివరాల్లోకి వెళ్తే… భారత్‌కు చెందిన నహిత్‌ సుల్తాన, అర్గన్స్‌ బేగం క‌లిసి ఈ నెల 12న దుబాయ్‌ నుంచి శంషాబాద్‌ విమానాశ్రయానికి చేరుకున్నారు. దుబాయ్‌ నుంచి అనధికారికంగా తీసుకువచ్చిన బంగారాన్ని తమ లగేజి బ్యాగుల్లో పెట్టుకుని స్మగ్లింగ్‌ చేసేందుకు యత్నించారు.

క‌స్ట‌మ్స్ అధికారుల‌కు అనుమానం రావ‌డంతో.. ఆ ఇద్ద‌రు మ‌హిళ‌ల‌ను పోలీసులు అదుపులోకి తీసుకుని త‌నిఖీలు చేశారు. ఈ తనిఖీల్లో వారి వద్ద రూ.74,02,500 విలువ చేసే 1410 గ్రాముల బంగారం లభించింది. ఈ మేరకు కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు.