లైఫ్‌ అంటే ఇట్లా ఉండాలా!

వెంకటేష్‌, వరుణ్‌తేజ్‌ కథానాయకులుగా నటిస్తున్న చిత్రం ‘ఎఫ్‌-3’.అనిల్‌ రావిపూడి దర్శకుడు. దిల్‌రాజు సమర్పణలో శిరీష్‌ నిర్మిస్తున్నారు. ఈ నెల 27న ప్రేక్షకుల ముందుకురానుంది. తమన్నా, మెహరీన్‌, సోనాల్‌చౌహాన్‌ కథానాయికలు. పూజాహెగ్డే ఐటెంసాంగ్‌లో నర్తించింది. పార్టీ థీమ్‌తో ఈ పాటకు రూపకల్పన చేశారు. ‘లైఫ్‌ అంటే ఇట్లా ఉండాలా..’ అనే పల్లవితో సాగే ఈ పాటను ఈ నెల 17న రిలీజ్‌ చేస్తున్నారు. ఈ సందర్భంగా కొత్త పోస్టర్‌ను విడుదల చేశారు. ఇందులో వెంకటేష్‌, వరుణ్‌తేజ్‌, పూజాహెగ్డే నవ్వులు చిందిస్తూ పార్టీ జోష్‌తో కనిపిస్తున్నారు. ‘ఈ పాట కోసం సంగీత దర్శకుడు దేవిశ్రీప్రసాద్‌ క్యాచీ ట్యూన్‌ను సిద్ధం చేశారు. ఈ గీతం సినిమాకు ప్రధానాకర్షణగా నిలుస్తుంది. చిత్ర తారాగణం మొత్తం ఈ పాటలో కనిపిస్తుంది’ అని చిత్రబృందం పేర్కొంది. ఈ చిత్రానికి కెమెరా: సాయిశ్రీరామ్‌, సంగీతం: దేవిశ్రీప్రసాద్‌, నిర్మాణ సంస్థ: శ్రీ వెంకటేశ్వర క్రియేషన్స్‌, సహనిర్మాత: హర్షిత్‌ రెడ్డి, నిర్మాత: శిరీష్‌, సమర్పణ: దిల్‌రాజు, దర్శకత్వం: అనిల్‌ రావిపూడి.