మీ లైఫ్‌ను మార్చే తొలి ప్ర‌శ్న ఏంటో తెలుసా?

యంగ్ టైగ‌ర్ ఎన్టీఆర్ హోస్ట్‌గా ఎవ‌రు మీలో కోటీశ్వ‌రులు అనే కార్య‌క్ర‌మం రూపొందుతున్న విష‌యం తెలిసిందే. ఇప్ప‌టికే ఈ కార్య‌క్ర‌మానికి సంబంధించి ప‌లు ప్ర‌మోష‌న‌ల్ వీడియోలు విడుద‌ల కాగా, ఇవి ఎంత‌గానో ఆక‌ట్టుకుంటున్నాయి. ‘ఇక్కడ కథ మీది కల మీది.. ఆట నాది కోటి మీది.. రండి గెలుద్దాం’ అంటూ ఎన్టీఆర్ ప్ర‌తి ప్రోమోలో చెబుతూ వ‌స్తున్నాడు.

తాజాగా ఎవ‌రు మీలో కోటీశ్వ‌రులు కార్య‌క్ర‌మంకు సంబంధించి మ‌రో ప్రోమో విడుద‌ల చేశారు. ఇందులో ఓ గైడ్ చార్మినార్ ని చూపిస్తూ ‘దేశం నాలుగు దిక్కుల నుండీ టూరిస్టులు వస్తుంటారు.. అందుకే దీనిని చార్మినార్ అంటారు.. రోడ్లు విశాలంగా ఉన్నాయని కట్టేశారు’ అని చెప్పగా.. ఓ ఆటో డ్రైవర్ వచ్చి ‘400 ఏళ్ల క్రితం ప్లేగు వ్యాధి వచ్చి తగ్గిపోయింది.. దానికి గుర్తుగా కట్టారు’ అంటూ చెప్పుకొస్తాడు. ప్రోమో చివ‌ర‌లో . బ్రతకాలంటే గెలుపుని వెతకాలి అంటూ ఎన్టీఆర్ చెప్పిన డైలాగ్ ఆక‌ట్టుకునేలా ఉంది. మార్చి 29న రాత్రి గం. 8.15 నిమిషాలకి మీ లైఫ్ ని మార్చే మొదటి ప్రశ్న అడగబోతున్నట్లు తారక్ తెలియజేసారు.

https://youtu.be/6nYlkEfYMvE