వాషింగ్టన్, నవంబర్ 24: భవిష్యత్తులో గ్రహశకలాల నుంచి భూమికి పొంచి ఉన్న ప్రమాదాలను తప్పించడానికి నాసా శాస్త్రవేత్తలు రూపొందించిన ‘డబుల్ ఆస్టరాయిడ్ రీడైరెక్షన్ టెస్ట్ (డార్ట్) మిషన్’ తొలి దశ ప్రయోగం విజయవంతమైంది. భూమికి 1.1 కోట్ల కిలోమీటర్ల దూరంలో ఉన్న ‘డిడిమోస్’ గ్రహశకల వ్యవస్థలోని ‘డిమార్ఫస్’ అనే గ్రహశకలాన్ని ఢీకొట్టడానికి స్పేస్ఎక్స్కు చెందిన ఫాల్కన్ 9 రాకెట్ బుధవారం ఉదయం నింగిలోకి దూసుకుపోయింది. కాలిఫోర్నియాలోని వాండేన్బర్గ్ స్పేస్ఫోర్స్ బేస్ ఇందుకు వేదికైంది. ఈ మేరకు తొలిదశ విజయవంతమైనట్టు శాస్త్రవేత్తలు వెల్లడించారు. నిర్ణీత ఆస్టరాయిడ్ వేగాన్ని తగ్గించి, ప్రయాణ దిశను మార్చడమే ఈ టెస్ట్ మిషన్ ప్రధానోద్దేశం. ఈ ప్రయోగంలో ఎలక్ట్రిక్ ప్రొపల్షన్ సిస్టమ్, ప్రత్యేక లేజర్ కిరణాలు కీలక పాత్ర పోషించనున్నాయి. రోదసి చరిత్రలోనే అత్యంత క్లిష్ట ప్రయోగాల్లో ఒకటిగా దీన్ని చెబుతున్నారు.
మిషన్ పేరు: డార్ట్
ప్రయోగించిన సంస్థ: నాసా
ప్రయోగించిన రాకెట్: స్పేస్ఎక్స్ ఫాల్కన్ 9
గ్రహశకలాన్ని ఢీకొట్టే సమయం: 2022 సెప్టెంబర్
ఢీకొట్టే సమయంలో రాకెట్ వేగం: గంటకు 24,000 కిలోమీటర్లు
ఢీకొట్టే సమయంలో స్పేస్క్రాఫ్ట్ బరువు:548 కిలోలు
‘డిమార్ఫస్’ గ్రహశకలం బరువు: 480 కోట్ల కిలోలు
ప్రయోగం ఖర్చు: 2,418 కోట్లు