దీపికా-ర‌ణ్‌వీర్ స్ట‌న్నింగ్ డ్యాన్స్ వీడియో వైర‌ల్

బాలీవుడ్ క్రేజీ క‌పుల్స్‌లో దీపికా ప‌దుకొణే-ర‌ణ్‌వీర్ సింగ్ జంట ఒక‌టి. 2018లో కొంక‌ణి, నార్త్ ఇండియ‌న్ స్టైల్‌లో వివాహం చేసుకున్న ఈ జంట ప్ర‌స్తుతం సంతోషంగా వైవాహిక జీవితం గడుపుతుంది. వీలున్న‌ప్పుడల్లా ఈ ఇద్ద‌రు త‌మ సోష‌ల్ మీడియా ద్వారా నెటిజ‌న్స్‌ను అల‌రించే ప్ర‌య‌త్నం చేస్తుంటారు. తాజాగా దీపిక‌, ర‌ణ్‌వీర్‌లు డిఫ‌రెంట్ కాస్ట్యూమ్స్ ధ‌రించి వైవిధ్య‌మైన స్టెప్పులు వేశారు. ఇవి నెటిజ‌న్స్‌కు తెగ న‌వ్వు తెప్పిస్తున్నాయి. ముఖ్యంగా ర‌ణ్‌వీర్ ఎక్స్‌ప్రెష‌న్స్ చూసి  అభిమానులు ప‌డిప‌డి న‌వ్వుతున్నారు.

2013లో సంజయ్ లీలా భ‌న్సాలీ తెర‌కెక్కించిన రామ్ లీలా చిత్రంలో దీపికా ప‌దుకొణే-ర‌ణ్‌వీర్ క‌లిసి న‌టించ‌గా, ఆ త‌ర్వాత 2018లో వ‌చ్చిన బాజీరావు మ‌స్తానీ చిత్రంతో మ‌రో సారి అల‌రించారు. క‌పిల్ దేవ్ బ‌యోపిక్ నేప‌థ్యంలో తెర‌కెక్కిన 83 చిత్రంలోను దీపిక‌, ర‌ణ్‌వీర్ క‌లిసి న‌టించ‌గా ఇందులో ర‌ణ్‌వీర్ క‌పిల్ పాత్ర పోషిస్తుండ‌గా, ఆయ‌న భార్య రోమి పాత్ర‌లో దీపికా క‌నిపించ‌నుంది.