అతివతోనే అభివృద్ధి

• మహిళా సాధికారతకు రాష్ట్రంలో అనేక పథకాలు 
• స్త్రీలోకానికి సీఎం కేసీఆర్‌ శుభాకాంక్షలు
• ప్రభుత్వ మహిళా ఉద్యోగులకు నేడు సెలవు

హైదరాబాద్‌, మార్చి 7 ( నమస్తే తెలంగాణ): రాష్ర్టాభివృద్ధిలో మహిళలది అత్యంత కీలక పాత్ర అని సీఎం కే చంద్రశేఖర్‌రావు అన్నారు. అంతర్జాతీయ మహిళా దినోత్సవం సందర్భంగా మహిళాలోకానికి కేసీఆర్‌ శుభాకాంక్షలు తెలిపారు. తెలంగాణ మహిళా సంక్షేమంలో ముందంజలో ఉన్నదని చెప్పారు. పురుషులతో సమానంగా అన్ని రంగాల్లో పోటీ పడుతూ మహిళలు ప్రతిభ చాటుతున్నారని కొనియాడారు. మహిళలకు అవకాశాలు  కల్పిస్తే అద్భుతాలు చేసి చూపిస్తారని సీఎం అన్నా రు. మహిళల భద్రత కోసం షీటీమ్స్‌, వృద్ధ, ఒంట రి మహిళలు, వితంతు పెన్షన్లు, కల్యాణలక్ష్మి, షాదీముబారక్‌, కేసీఆర్‌ కిట్‌, అంగన్‌వాడీ, ఆశా వర్కర్లకు వేతనాల పెంపు సహా మహిళా సాధికారతకు ప్రభుత్వం అనేక పథకాలను అమలు  చేస్తున్నదని తెలిపారు. మంత్రులు సబితా, గంగుల కమలాకర్‌ మహిళా దినోత్సవ శుభాకాంక్షలు తెలియజేశారు. కాన్ఫెడరేషన్‌ ఆఫ్‌ ఉమెన్‌ ఎంట్రప్రెన్యూర్స్‌ ఆఫ్‌ ఇండియా ఆధ్యర్వంలో హైటెక్స్‌లో నిర్వహించిన  ఏ బిజినెస్‌ ఐడియా ఎంట్రప్రెన్యూర్స్‌ కార్యక్రమంలో మంత్రి గంగుల పాల్గొన్నారు. 

నేడు మహిళా ఉద్యోగులకు సెలవు

అంతర్జాతీయ మహిళా దినోత్సవం సందర్భంగా  సోమవారం (మార్చి 8) మహిళా ప్రభుత్వ ఉద్యోగులకు సెలవు దినంగా ప్రకటించినట్టు సీఎం కేసీఆర్‌ తెలిపారు. ఈ మేరకు ప్రభుత్వ ప్రధాన కార్యదర్శి సోమేశ్‌ కుమార్‌ ఉత్తర్వులు జారీచేశారు.