Suicide | ప్రేమ, పెళ్లి పేరుతో మోసం.. యువతి ఆత్మహత్య

Suicide | ప్రేమిస్తున్నానని, పెళ్లి చేసుకుంటానని యువకుడు,  యువతిని నమ్మించి మోసం చేయడంతో మనస్థాపానికి గురైన యువతి ఆత్మహత్య చేసుకుంది.

జోగులాంబ గద్వాల : ప్రేమిస్తున్నానని, పెళ్లి చేసుకుంటానని (Love and marriage) యువకుడు,  యువతిని నమ్మించి మోసం చేయడంతో మనస్థాపానికి గురైన యువతి ఆత్మహత్య ( Suicide) చేసుకుంది. జిల్లాలోని గట్టు పోలీసు స్టేషన్ పరిధిలోని చిన్నోనిపల్లి గ్రామంలో జరిగింది. ఖమ్మం జిల్లాకు చెందిన ప్రియాంక, చినోనిపల్లి గ్రామానికి చెందిన ఓ యువకుడితో కొన్నేళ్లుగా ప్రేమ వ్యవహారం కొనసాగింది.

తనను పెళ్లి చేసుకోవాలని ఆ యువతి రెండు నెలల క్రితం చిన్నోనిపల్లి గ్రామానికి రాగా ఆ యువకుడు పెళ్లికి నిరాకరించడంతో అప్పట్లోనే ఆమె గద్వాల జిల్లా పోలీసులను ఆశ్రయించింది. చీటింగ్ కేసు నమోదు కాగా ఆ యువకుడు జైలుకు వెళ్లి ఇటీవల విడుదల అయ్యాడు. అప్పటి నుంచి ఆ యువకుడి ఇంట్లోనే ఆ యువతి నివసిస్తోంది. పెళ్లి చేసుకోవాలని మరోసారి కోరగా యువకుడు నిరాకరించడంతో రెండు రోజుల క్రితం ప్రియాంక పురుగుల మందు సేవించింది.

గద్వాల ఆసుపత్రిలో చికిత్స అనంతరం తిరిగి ఆ గ్రామానికి చేరుకున్న యువతి శనివారం ఉదయం మృతి చెందింది. ఆమె మరణంపై పలు అనుమానాలు వ్యక్తమవుతున్నాయి. పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేస్తున్నారు.