చైతన్యరావ్‌ హీరోగా

‘30 వెడ్స్‌ 21’ సిరీస్‌ ఫేమ్‌ చైతన్య రావ్‌ హీరోగా బిగ్‌ బెన్‌ సినిమాస్‌ సంస్థ ఓ చిత్రాన్ని నిర్మిస్తున్నది. ‘ఓ పిట్ట కథ’ చిత్రంతో దర్శకుడిగా పరిచయమైన చందు ముద్దు ఈ సినిమాను తెరకెక్కిస్తున్నారు. యష్‌ రంగినేని నిర్మాత. ఫ్యామిలీ థ్రిల్లర్‌ కథతో ఈ సినిమా రూపొందనుంది. త్వరలో ఈ సినిమాను లాంఛనంగా ప్రారంభించనున్నారు. బిగ్‌ బెన్‌ సినిమాస్‌ సంస్థ గతంలో ‘పెళ్లి చూపులు’, ‘డియర్‌ కామ్రేడ్‌’, ‘దొరసాని’ వంటి చిత్రాలకు నిర్మాణ భాగస్వామిగా వ్యవహరించింది. ప్రస్తుతం ఈ సంస్థ శ్రీసింహ కోడూరి హీరోగా ‘భాగ్‌ సాలే’ చిత్రాన్ని నిర్మిస్తున్నది.