Visit:
అల్లంలో ఉండే సెట్రిక్‌ యాసిడ్‌ ఆక్సిడేషన్‌ ప్రక్రియను నిలిపివేస్తుంది. కాబట్టి ఏవైనా పండ్లను కోసిన వెంటనే అల్లం ద్రావణంలో వేస్తే రంగు మారకుండా ఉంటాయి.
అప్పుడే కోసిన కూరగాయలు, పండ్లు చాలా తాజాగా ఉంటాయి. కానీ వాటిని కాసేపు అలాగే వదిలేస్తే మాత్రం రంగు మారిపోతాయి. నల్లగా అవుతాయి. పండ్లను కోసిన తర్వాత చాలాసేపటి వరకు అలాగే తాజాగా ఉండాలంటే కొన్ని చిట్కాలు పాటిస్తే సరిపోతుంది.
ట్యాప్‌ విప్పి ఆ నీటి మధ్యలో యాపిల్‌ను ఉంచి కోసినట్లయితే ఆక్సిడేషన్‌ ప్రక్రియను ఆపవచ్చు. దీనివల్ల కోసిన తర్వాత యాపిల్‌ ముక్కలు బ్రౌన్‌ రంగులోకి మారవు.
వంకాయలను కోసేటప్పుడు ముక్కల్ని ఉప్పు కలిపిన నీటిలో వేస్తే రంగు మారకుండా ఉంటాయి. పండ్లు కోసేటప్పుడు కూడా ఉప్పు నీటిలో రెండు నిమిషాలు ఉంచి తీస్తే రంగు మారకుండా ఉంటాయి.
తేనె నీటి ద్వారా కూడా పండ్ల రంగు మారకుండా అరికట్టవచ్చు. గోరువెచ్చని నీటిలో ఒక టేబుల్ స్పూన్ తేనె వేసి కలపాలి. అందులో పండ్ల ముక్కలు వేసి 30 సెకన్ల తర్వాత తీస్తే పండ్లు రంగు మారకుండా ఉంటాయి.
ఒక గాజు గ్లాస్‌లో నీళ్లు తీసుకుని అందులో టేబుల్ స్పూన్ నిమ్మరసం వేసి బాగా కలపాలి. అనంతరం అందులో పండ్ల ముక్కలు వేసి కలిపితే పండ్ల ముక్కలు రంగు మారకుండా ఉంటాయి. నిమ్మరసం అందు బాటులో లేకపోతే పైనాపిల్స్రం, ఆరెంజ్ జ్యూస్ కూడా కలుపవచ్చు.
Brinjal1