బాలకృష్ణ కథానాయకుడిగా గోపీచంద్ మలినేని దర్శకత్వంలో ఓ చిత్రం తెరకెక్కుతున్న విషయం తెలిసిందే. మైత్రీ మూవీ మేకర్స్ సంస్థ నిర్మిస్తున్నది. పవర్ఫుల్ మాస్ యాక్షన్ ఎంటర్టైనర్గా రూపొందిస్తున్నారు. కొద్దిరోజుల క్రితం విడుదలైన ఫస్ట్లుక్ పోస్టర్లో బాలకృష్ణ కనిపించిన విధానం సినిమాపై అంచనాల్ని పెంచింది. ఈ సినిమాకు టైటిల్ను ఖరారు చేయబోతున్నారని తెలిసింది. ‘వీరసింహారెడ్డి’ ‘అన్నగారు’ అనే పేర్లు ఎక్కువగా వినిపిస్తున్నాయి. తాజా సమాచారం ప్రకారం ఈ చిత్రానికి ‘అన్నగారు’ టైటిల్ను ఖరారు చేసేందుకు దర్శకనిర్మాతలు మొగ్గు చూపుతున్నట్లు తెలిసింది. దివంగత మహానటుడు ఎన్టీఆర్ను అభిమానులు ప్రేమగా అన్నగారు అని సంబోధించేవారు. దీంతో ఈ టైటిల్ బాలకృష్ణకు పక్కాగా సరిపోతుందని చిత్రబృందం భావిస్తున్నదట. శృతిహాసన్ కథానాయికగా నటిస్తున్న ఈ చిత్రంలో వరలక్ష్మి శరత్కుమార్, దునియా విజయ్ ఇతర కీలక పాత్రల్లో నటిస్తున్నారు.