బాలయ్య ఓ పవర్‌హౌస్‌!

బాలకృష్ణ కథానాయకుడిగా ఇటీవల విడుదలైన ‘అఖండ’ చిత్రంలోని పోరాటఘట్టాలు ప్రేక్షకుల్ని రొమాంచితుల్ని చేస్తున్నాయి. ఇప్పటివరకు చూడని కొత్త ఎలివేషన్స్‌తో యాక్షన్‌ ఎపిసోడ్స్‌ అందరిని ఆకట్టుకుంటున్నాయి. ఈ నేపథ్యంలో సినిమాకు ఫైట్‌ మాస్టర్స్‌గా పనిచేసిన స్టన్‌ శివ..ఆయన కుమారులు కెవిన్‌, స్టీవెన్‌ ఆదివారం పాత్రికేయులతో ముచ్చటిస్తూ “అఖండ’ సినిమాలో అఘోర రంగప్రవేశం నుంచి ైక్లెమాక్స్‌ వరకు ఫైట్స్‌ కంపోజ్‌ చేశాం. ఎనభైరోజులు పనిచేశాం. పోరాట ఘట్టాల విషయంలో దర్శకుడు బోయపాటి శ్రీను ఆలోచనలు మరో లెవల్‌లో ఉంటాయి. అఘోరా పాత్ర కాబట్టి పూర్తి విభిన్నంగా యాక్షన్‌ను డిజైన్‌ చేశాం. బోయపాటి, బాలకృష్ణ సహకారం వల్ల ఫైట్స్‌ అద్భుతంగా వచ్చాయి.

బాలయ్య నుంచి ఆయన అభిమానులు ఎలాంటి యాక్షన్‌ కోరుకుంటారో అదే అందించాం. ైక్లెమాక్స్‌ను వంద మందితో తీశాం. ఈ సినిమా విషయంలో యాక్షన్‌ కొరియోగ్రాఫర్స్‌లా కాకుండా బాలయ్య అభిమానుల్లా పనిచేశాం. బాలయ్య ఓ పవర్‌హౌస్‌. అది పోరాటఘట్టాల్లో ఆవిష్కృతమయింది. తమన్‌ బ్యాక్‌గ్రౌండ్‌ స్కోర్‌ వల్ల కూడా ఫైట్స్‌ బాగా ఎలివేట్‌ అయ్యాయి. తెలుగు ప్రేక్షకులు ఫుల్‌ మాస్‌. హీరోల ఇమేజ్‌కు అనుగుణంగా పోరాట ఘట్టాల్ని సమకూర్చుతాం’ అని చెప్పారు. ప్రస్తుతం నటుడిగా బిజీ అవుతున్నానని.. ‘ఎఫ్‌-3’ చిత్రంలో మెయిన్‌ విలన్‌గా నటిస్తున్నానని స్టన్‌ శివ తెలిపారు.