Visit:
న్యూఢిల్లీ, సెప్టెంబర్ 24: విద్యార్థులకు విమాన ప్రయాణాన్ని మరింత అందుబాటులోకి తీసుకురావడానికి ఎయిర్ ఇండియా ఎక్స్ప్రెస్ ప్రత్యేక ఆఫర్ను ప్రకటించింది. దేశీయ విమాన టికెట్లపై 10 శాతం రాయితీ అందిస్తున్నది. ఈ ఆఫర్ అక్టోబర్ 20 వరకు అందుబాటులో ఉండనున్నది. విద్యార్థులకు సాధారణ 15 కిలోల చెక్-ఇన్ బ్యాగేజీతోపాటు అదనంగా పది కిలోలు కలిపి మొత్తం 25 కిలోల బ్యాగేజీని తీసుకెళ్లవచ్చును.
ఎయిర్ ఇండియా ఎక్స్ప్రెస్ వెబ్సైట్, మొబైల్ యాప్ ద్వారా బుకింగ్ చేసుకున్న వారికి కేవలం రూ.99కే ప్రయాణ తేదీని మార్చుకునే అవకాశం కూడా కల్పించింది. ఈ ఆఫర్ పొందేందుకు ప్రయాణికుల కనీస వయస్సు 12 సంవత్సరాలుగా ఉండాలని పేర్కొంది. గుర్తింపు పొందిన విద్యా సంస్థ నుంచి జారీ చేసిన చెల్లుబాటు అయ్యే విద్యార్థి ఫొటో ఐడీని విమానాశ్రయంలో చెక్-ఇన్ సమయంలో తప్పనిసరిగా చూపించాల్సివుంటుందని సూచించింది.
