Meera Jasmine Tollywood Re-entry | నటి మీరా జాస్మిన్ తెలుగు ప్రేక్షకులకు సుపరిచితమే. పేరుకు మలయాళినే అయినా తెలుగుతనం ఉట్టిపడే రూపం తనది. కెరీర్ బిగెనింగ్లో మీరాను చాలా మంది తెలుగు అమ్మాయే అనుకున్నారు. అంతలా తెలుగు వారికి దగ్గరైంది ఈ మలయాళ కుట్టి. ‘చాలా బాగుంది’ సినిమాతో తెలుగులోకి ఎంట్రీ ఇచ్చిన ఈ అమ్మడు మొదటి సినిమాతోనే మంచి క్రేజ్ తెచ్చుకుంది. ఆ తర్వాత వరుసగా ‘గుడుంబా శంకర్’, ‘భద్రా సినిమాలతో స్టార్ హీరోయిన్ల సరసన చేరింది. ఈ రెండు సినిమాలతో మీరాకు ఎక్కడలేని క్రేజ్ వచ్చింది. దాంతో అవకాశాలు వరుసగా క్యూ కట్టాయి. ఆ అవకాశాలే మీరా కెరీర్ పతనం అవడానికి కారణమయ్యాయి.
అవకాశాలు వస్తున్నాయి కదా అని అన్ని సినిమాలను ఒప్పేసుకుంది. తీరా అన్ని పరాజయాలు కాకపోవడంతో క్రమంగా చాన్స్లు తగ్గాయి. ఇక అదే సమయంలో మీరా పెళ్లి చేసుకుని సినిమాలను తగ్గించేసింది. కాగా ఈ మధ్య సోషల్ మీడియాతో తిరిగి మంచి క్రేజ్ తెచ్చుకుంది. హాట్ హాట్ ఫోటోలను షేర్ చేస్తూ యూత్ మతులు పోగొడుతుంది. ఇదిలా ఉంటే ఈ అమ్మడు దాదాపు పదేళ్ల తర్వాత మళ్లీ తెలుగులోకి రీ ఎంట్రీ ఇస్తుంది. ‘విమానం’ అనే తెలుగు-తమిళ బైలింగ్యువల్ సినిమాతో మీరా టాలీవుడ్లోకి రీ ఎంట్రీ ఇస్తుంది. జీ స్టూడీయోస్, కిరణ్ కొర్రపాటి క్రియేటీవ్ వర్క్స్ సంయుక్తంగా ఈ సినిమాను నిర్మిస్తున్నాయి. షూటింగ్ పూర్తి చేసుకున్న ఈ సినిమా ప్రస్తుతం ప్రీ ప్రొడక్షన్ పనులలో బిజీగా ఉంది.
చివరగా తెలుగులో మీరా జాస్మిన్ ‘మోక్ష’ అనే సినిమాలో నటించింది. హర్రర్ బ్యాక్డ్రాప్లో తెరకెక్కిన ఈ సినిమా 2013లో రిలీజైంది. శ్రీకాంత్ వేములపల్లి దర్శకత్వం వహించిన ఈ సినిమాలో దిశా పాండే, నాజర్, రాహుల్ దేవ్ కీలక పాత్రల్లో నటించారు. దాదాపు పదేళ్ల తర్వాత తెలుగులో రీ ఎంట్రీ ఇస్తుండటంతో ప్రేక్షకుల్లో తీవ్ర ఆసక్తి నెలకొంది.