స్లీపర్‌ బస్సులో మంటలు.. 9 మంది సజీవ దహనం.. నోయిడాలో ఘటన

గ్రేటర్‌ నోయిడాలోని యమునా ఎక్స్‌ప్రెస్‌ వే మీద బుధవారం అర్ధరాత్రి స్లీపర్‌ బస్సుకు మంటలు అంటుకోవడంతో 9 మంది సజీవ దహనం అయ్యారు. పోలీసులు తెలిపిన వివరాల ప్రకారం.. ఢిల్లీ ఉంచి యూపీలోని మహోబావైపు వెళ్తున్న టూరిస్టు బస్సులో అర్ధరాత్రి దాటిన తర్వాత డ్రైవర్‌ క్యాబిన్‌లో మొదట మంటలు వచ్చాయి.

• సిగరెట్‌ తాగుతూ పట్టించుకోని డ్రైవర్‌, కండక్టర్‌

లక్నో : గ్రేటర్‌ నోయిడాలోని యమునా ఎక్స్‌ప్రెస్‌ వే మీద బుధవారం అర్ధరాత్రి స్లీపర్‌ బస్సుకు మంటలు అంటుకోవడంతో 9 మంది సజీవ దహనం అయ్యారు. పోలీసులు తెలిపిన వివరాల ప్రకారం.. ఢిల్లీ ఉంచి యూపీలోని మహోబావైపు వెళ్తున్న టూరిస్టు బస్సులో అర్ధరాత్రి దాటిన తర్వాత డ్రైవర్‌ క్యాబిన్‌లో మొదట మంటలు వచ్చాయి. ఏదో కాలిన వాసన వస్తోందంటూ ప్రయాణికులు చెప్పినా పట్టించుకోలేదు.

పైగా ఇద్దరూ సిగరెట్‌, బీడీ తాగుతూ నిర్లక్ష్యంగా ప్రవర్తించారని ప్రయాణికులు తెలిపారు. కొద్ది సేపటికే మంటలు వేగంగా బస్సు మొత్తం వ్యాపించాయి. దీంతో ప్రయాణికులు కిటికీలు బద్దలు కొట్టి కిందకు దూకేశారు. ఎక్కువ మంది నిద్రపోతుండటంతో 9 మంది మంటల్లో కాలిపోయారు. ఇంకొందరు తీవ్రంగా గాయపడ్డారు.