జాగ్రత్తగా!.. పతంగులు పండుగ

సంక్రాంతి.. ముగ్గులు, గొబ్బెమ్మల పండుగ. పతంగులు, మాంజాల వేడుక. ఇరుగుపొరుగుతో పోటీపడి గాలిపటాలు ఎగరేస్తాం. కానీ, మన వినోదం మరొకరికి ప్రమాదం కాకూడదు. తెగిపోయిన దారాలు.. ఆ దారిన నడుస్తున్నవారి మెడకు చుట్టుకునే ప్రమాదం ఉంది. తెగిన పతంగులను వెంటాడుతూ వీధుల్లో పరుగులు పెట్టే పిల్లలు.. ఆ ఉత్సాహంలో ప్రాణాలమీదికి తెచ్చుకుంటారు. ఇదంతా, మనుషులకు సంబంధించిన కోణం.

సంక్రాంతి.. ముగ్గులు, గొబ్బెమ్మల పండుగ. పతంగులు, మాంజాల వేడుక. ఇరుగుపొరుగుతో పోటీపడి గాలిపటాలు ఎగరేస్తాం. కానీ, మన వినోదం మరొకరికి ప్రమాదం కాకూడదు. తెగిపోయిన దారాలు.. ఆ దారిన నడుస్తున్నవారి మెడకు చుట్టుకునే ప్రమాదం ఉంది. తెగిన పతంగులను వెంటాడుతూ వీధుల్లో పరుగులు పెట్టే పిల్లలు.. ఆ ఉత్సాహంలో ప్రాణాలమీదికి తెచ్చుకుంటారు. ఇదంతా, మనుషులకు సంబంధించిన కోణం.

పక్షుల కథ మరీ దయనీయం. చాలావరకు తెగిపోయిన పతంగుల దారాలు చెట్లకు, కరెంటు తీగలకు చుట్టుకుంటాయి. వాటి మీద కూర్చున్న పక్షుల మెడలకు చుట్టుకొని ప్రాణాలను కబళిస్తాయి. అంతేకాదు, లోహపు పూత ఉన్న మాంజా.. వీధుల్లో వేలాడుతున్న విద్యుత్‌, కేబుల్‌ టీవీ తీగలకు అంటుకోవడం వల్ల షార్ట్‌ సర్క్యూట్‌ ముప్పు ఉంది. ఇలాంటి సంఘటనలు మన దగ్గర ఎక్కువే. పతంగులను సురక్షితంగా, బాధ్యతాయుతంగా ఎగరేయడం ఎలాగో తల్లిదండ్రులు తమ పిల్లలకు వివరించాలి. అవసరమైతే దగ్గరుండి నేర్పించాలి. తగిన జాగ్రత్తల మధ్య పతంగుల పండుగను సురక్షితంగా జరుపుకొంటే.. అంతకు మించిన సంబురం ఉండదు.

– డాక్టర్‌ దేవేందర్‌ సింగ్‌
సీనియర్‌ వాస్క్యులర్‌, ఎండోవాస్క్యులర్‌ సర్జన్‌
యశోదా గ్రూప్‌ ఆఫ్‌ హాస్పిటల్స్‌, హైదరాబాద్‌.