watch: బీజేపీ ‘వికసిత్‌ భారత్ సంకల్ప్ యాత్ర’లో మహిళ అశ్లీల డ్యాన్స్‌.. వీడియో వైరల్‌

Woman Performs Obscene Dance | బీజేపీ ప్రతిష్టాత్మకంగా చేపట్టిన ‘వికసిత్‌ భారత్ సంకల్ప్ యాత్ర’ కార్యక్రమంలో ఒక మహిళ అశ్లీల డ్యాన్స్ చేసింది. (Woman Performs Obscene Dance) స్థానిక బీజేపీ ఎమ్మెల్యే, ఎంపీ, గ్రామపెద్ద వేదిక వద్ద ఉండగానే ఈ సంఘటన జరిగింది. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

లక్నో: బీజేపీ ప్రతిష్టాత్మకంగా చేపట్టిన ‘వికసిత్‌ భారత్ సంకల్ప్ యాత్ర’ కార్యక్రమంలో ఒక మహిళ అశ్లీల డ్యాన్స్ చేసింది. (Woman Performs Obscene Dance) స్థానిక బీజేపీ ఎమ్మెల్యే, ఎంపీ, గ్రామపెద్ద వేదిక వద్ద ఉండగానే ఈ సంఘటన జరిగింది. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. బీజేపీ పాలిత ఉత్తరప్రదేశ్‌లోని ఘజియాబాద్‌ జిల్లాలో ఈ సంఘటన జరిగింది. కేంద్ర పథకాల గురించి ప్రజలకు అవగాహన కల్పించేందుకు ‘వికసిత్‌ భారత్ సంకల్ప్ యాత్ర’ పేరుతో కార్యక్రమాలను బీజేపీ నిర్వహిస్తున్నది. ఇందులో భాగంగా శనివారం భోజ్‌పూర్‌ ప్రాంతంలోని షకుర్‌పూర్ గ్రామంలో ఈ కార్యక్రమాన్ని ఏర్పాటు చేశారు. గ్రామ పెద్ద, ఆయన భార్య, స్థానిక బీజేపీ ఎమ్మెల్యే, ఎంపీ తదితరులు హాజరయ్యారు.

కాగా, ఈ సందర్భంగా బాలీవుడ్‌ సినిమాలోని ‘ఛత్ పే సోయా థా బెహ్నోయి’ పాటకు ఒక మహిళ అసభ్యకరంగా డ్యాన్స్‌ చేసింది. అశ్లీల డ్యాన్స్‌కు సంబంధించిన ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఈ నేపథ్యంలో బీజేపీ చేపట్టిన ఈ కార్యక్రమంపై విమర్శలు వెల్లువెత్తాయి. అయితే ప్రజాప్రతినిధులు వెళ్లిన తర్వాత స్థానిక ప్రజలకు వినోదం కోసం మహిళతో డ్యాన్స్‌ కార్యక్రమం ఏర్పాటు చేసినట్లు నిర్వాహకులు తెలిపారు.

"विकसित भारत संकल्प यात्रा"

📍गाजियाबाद, उत्तर प्रदेश pic.twitter.com/8jBHnW2cXP

— Sachin Gupta (@Sachingupta) December 31, 2023