Whatsapp | అదిరిపోయే సరికొత్త ఫీచర్‌.. ఒకే నంబర్‌తో నాలుగు ఫోన్లలో వాట్సాప్‌

వాట్సాప్‌ మంగళవారం అదిరిపోయే సరికొత్త ఫీచర్‌ను ప్రకటించింది. ఇకపై ఒకే ఫోన్‌ నంబర్‌తో నాలుగు ఫోన్లలో వాట్సాప్‌ ఖాతాను వినియోగించుకోవచ్చని వెల్లడించింది. ఇప్పటివరకు వాట్సాప్‌ అకౌంట్‌ను ఒక ఫోన్‌లో మాత్రమే యూజ్‌ చేసుకొనేందుకు అవకాశం ఉన్నది.

న్యూఢిల్లీ, ఏప్రిల్‌ 25: వాట్సాప్‌ మంగళవారం అదిరిపోయే సరికొత్త ఫీచర్‌ను ప్రకటించింది. ఇకపై ఒకే ఫోన్‌ నంబర్‌తో నాలుగు ఫోన్లలో వాట్సాప్‌ ఖాతాను వినియోగించుకోవచ్చని వెల్లడించింది. ఇప్పటివరకు వాట్సాప్‌ అకౌంట్‌ను ఒక ఫోన్‌లో మాత్రమే యూజ్‌ చేసుకొనేందుకు అవకాశం ఉన్నది.

ప్రపంచవ్యాప్తంగా ఈ ఫీచర్‌ ప్రారంభించామని, కొన్ని వారాల్లో అందరికీ అందుబాటులోకి వస్తుందని వాట్సాప్‌ తెలిపింది. కొత్త ఫీచర్‌లో కూడా వాట్సాప్‌ ఖాతా లింక్‌ అయిన ఫోన్లలో మేసెజ్‌లు, వీడియోలు, కాల్స్‌ అన్నీ కూడా ఎండ్‌-టు-ఎండ్‌ ఎన్‌క్రిప్షన్‌ చేయబడుతాయని కంపెనీ పేర్కొన్నది.