Visit:
Video viral : కేవలం 95 పైసల కోసం ఒక మహిళా జర్నలిస్టు, ఉబెర్‌ క్యాబ్‌ డ్రైవర్ గొడవపడ్డారు. ఈ గొడవకు సంబంధించిన వీడియోను హక్కుల కార్యకర్త దీపికా నారాయణ్‌ భరద్వాజ్‌ అనే మహిళ సోషల్ మీడియాలో పోస్టు చేసింది. తాను జర్నలిస్టునని సదరు మహిళా జర్నలిస్టు క్యాబ్‌ డ్రైవర్‌ను బెదిరించినట్లుగా ఆ వీడియోలో ఉంది. ఈ వీడియో ఇప్పుడు సోషల్ మీడియాలో వైరల్‌గా మారింది. నెటిజన్‌లు అంతా క్యాబ్‌ డ్రైవర్‌కే మద్దతుగా స్పందిస్తున్నారు.
Who is this Journalist threatening @Uber_India driver of police action just because he asked her to pay the fare ? Plz identify her & ask her to travel in bus if she doesn’t want to pay
Also – in public interest, please ask every cab driver you meet to install cameras pic.twitter.com/PA9qqdBluJ
— Deepika Narayan Bhardwaj (@DeepikaBhardwaj) March 21, 2025
మిగతా 95 పైసలు కూడా చెల్లిస్తే పోయేదానికి ఈగోకు పోయి మహిళా జర్నలిస్టు గొడవకు దిగిందని ఓ నెటిజన్‌ స్పందించాడు. కేవలం 95 పైసల కోసం క్యాబ్‌ డ్రైవర్‌ను బెదిరించడం అవసరమా..? అని మరో నెటిజన్‌ ప్రశ్నించాడు. క్యాబ్‌ డ్రైవర్‌ది తప్పులేకపోయినా మహిళా కార్డు ఉపయోగించి అతడిని బెదిరించడం కరెక్టు కాదని మరో నెటిజన్‌ స్పందించాడు. చేతిలో డబ్బులు లేకపోతే బస్సులో వెళ్లొచ్చుగా క్యాబ్‌లో వెళ్లి గొడవపడటం ఎందుకు..? అని ఇంకో యూజర్‌ ప్రశ్నించాడు.
దాంతో మహిళా జర్నలిస్టు శివంగి శుక్లా సుదీర్ఘ వివరణ ఇచ్చారు. తాను క్యాబ్‌ డ్రైవర్‌ను బెదిరించలేదని, అతడే తనతో దురుసుగా ప్రవర్తించాడని పేర్కొన్నారు. లోకేషన్‌కు దూరంగా క్యాబ్‌ను ఆపేశాడని, లోకేషన్‌కు తీసుకెళ్లమంటే కుదరదని దురుసుగా చెప్పాడని తెలిపారు. దాంతో తాను క్యాబ్‌ దిగి రూ.129 పేమెంట్ చేశానని, తొందరలో పైన ఉన్న 95 పైసలు చూసుకోలేదని పేర్కొంది. ఇంతలోనే 95 పైసలు ఎందుకు కొట్టలేదంటూ క్యాబ్‌ డ్రైవర్‌కు గొడవ దిగాడని, దాంతో తాను జర్నలిస్టునని, దబాయించవద్దని హెచ్చరించానని తెలిపింది.
Then he called a suspicion mysterious person on the phone who tutored him. Suddenly his mood changed and he said sorry. I tried to give him money but he said he does not want it. He said he does not want any money on camera and walked away. pic.twitter.com/YmnHtEjwgp
— Shivangi Shukla (@Shivangi_SNews) March 22, 2025
నా స్థానంలో మీ వాళ్లు ఎవరైనా ఉంటే ఇలాగే మాట్లాడుతారా..? అని ప్రశ్నించారు. క్యాబ్‌ డ్రైవర్ దురుసుగా మాట్లాడుతుంటే తాను మొబైల్‌లో రికార్డు చేయడం మొదలుపెట్టానని, వెంటనే అతడు టోన్ మార్చి కామ్‌గా మాట్లాడని చెప్పారు. గొడవ సందర్భంగా అతడు అతడికి తెలిసిన ఓ వ్యక్తితో ఫోన్‌లో మాట్లాడాడని, తనపై ఫిర్యాదు చేశాడని, కానీ అవతలి వ్యక్తి సూచన మేరకు మూడ్‌ మార్చుకుని సారీ చెప్పి వెళ్లిపోయాడని తెలిపారు.
