Cooling tower demolished | ఉట్రాన్‌ విద్యుదుత్పత్తి కేంద్రంలో కేవలం 7 సెకన్‌లలో కూలింగ్‌ టవర్‌ కూల్చివేత.. వీడియో

Cooling tower demolished | గుజరాత్‌ రాష్ట్రం సూరత్‌ పట్టణంలోని ఉట్రాన్‌ విద్యుదుత్పత్తి కేంద్రంలో నిరుపయోగంగా ఉన్న కూలింగ్‌ టవర్‌ను కంట్రోల్డ్‌ బ్లాస్ట్‌ విధానంలో కూల్చివేశారు. ఇవాళ ఉదయం 11 గంటల సమయంలో కేవలం ఏడు సెకన్‌లలో కూలింగ్‌ టవర్‌ కుప్పకూలింది.

సూరత్‌: గుజరాత్‌ రాష్ట్రం సూరత్‌ పట్టణంలోని ఉట్రాన్‌ విద్యుదుత్పత్తి కేంద్రంలో నిరుపయోగంగా ఉన్న కూలింగ్‌ టవర్‌ను కంట్రోల్డ్‌ బ్లాస్ట్‌ విధానంలో కూల్చివేశారు. ఇవాళ ఉదయం 11 గంటల సమయంలో కేవలం ఏడు సెకన్‌లలో కూలింగ్‌ టవర్‌ కుప్పకూలింది. 85 మీటర్ల ఎత్తు, 70 మీటర్ల వెడల్పు ఉన్న ఈ RCC కూలింగ్ టవర్‌ కూల్చివేతకు మొత్తం 250 కిలోల డైనమైట్‌ను వినియోగించారు.

టవర్‌ను కూల్చివేయగానే చుట్టూ 100 మీటర్ల దూరం వరకు దుమ్ము ఎగిసిపడింది. అందుకే కూల్చివేతకు ముందే ఆ టవర్‌ చుట్టూ 2 నుంచి 3 కిలోమీటర్ల పరిధిలో ఉన్న నివాసితులకు ముందస్తు హెచ్చరికలు జారీచేశారు. కూల్చివేత సమయంలో పరిపాలనాధికారులు, అగ్నిమాపక సిబ్బంది అక్కడే ఉన్నారు. కాగా, ఉట్రాన్‌ విద్యుదుత్పత్తి కేంద్రంలో రెండు ప్లాంట్‌లు ఉన్నాయి.

ఒకటి 375 మెగావాట్ల విద్యుదుత్పత్తి సామర్థ్యం కలిగిన ప్లాంట్‌ కాగా, మరొకటేమో 135 మెగావాట్ల విద్యుదుత్పత్తి సామర్థ్యం కలిగిన ప్లాంట్‌. ఈ 135 మెగావాట్ల సామర్థ్యం కలిగిన ప్లాంట్‌ పురాతనమైనది. అందుకే కేంద్ర ప్రభుత్వ మార్గదర్శకాల మేరకు ఆ ప్లాంట్‌ను కూల్చివేశారు. బ్లాస్టింగ్‌ కేవలం 7 సెకన్‌లలోనే పూర్తయినప్పటికీ మొత్తం కూల్చివేత ప్రక్రియకు మాత్రం 30 నుంచి 40 నిమిషాల సమయం పట్టింది.

#WATCH | Gujarat: An old cooling tower of Utran Power House in Surat demolished with a controlled blast. pic.twitter.com/SeFug7Skk5

— ANI (@ANI) March 21, 2023