Visit:
Kedar Jadhav : భారత మాజీ క్రికెటర్‌ (Former cricketer) కేదార్ జాదవ్ (Kedar Jadhav) రాజకీయ రంగ ప్రవేశం చేశారు. మహారాష్ట్ర (Maharastra) కు చెందిన ఆయన బీజేపీ (BJP) తీర్థం పుచ్చుకున్నారు. మహారాష్ట్ర బీజేపీ అధ్యక్షుడు (BJP chief) చంద్రశేఖర్‌ బవాంకులే (Chandrashekhar Bawankule) సమక్షంలో జాదవ్ కాషాయం కండువా కప్పుకున్నారు. ముంబై (Mumbai) లోని బీజేపీ ప్రధాన కార్యాలయంలో ఈ కార్యక్రమం జరిగింది.
#WATCH | Former Indian Cricketer Kedar Jadhav joins BJP in the presence of Maharashtra minister and state BJP chief Chandrashekhar Bawankule in Mumbai. pic.twitter.com/4reAKk7F1Y
— ANI (@ANI) April 8, 2025
కేదార్ జాదవ్ అంతర్జాతీయ క్రికెట్ కెరీర్ ఎక్కువ కాలం కొనసాగలేదు. అతను దేశం తరపున 73 వన్డే మ్యాచ్‌లు మాత్రమే ఆడాడు. రెండు సెంచరీలు, ఆరు అర్ధసెంచరీలతో మొత్తం 1389 పరుగులు చేశాడు. జాదవ్ తన వన్డే కెరీర్‌లో 52 ఇన్నింగ్స్‌లలో 141 ఫోర్లు, 24 సిక్సర్లు బాదాడు. 2014 నవంబర్ 16న శ్రీలంకతో జరిగిన వన్డే మ్యాచ్‌లో అరంగేట్రం చేశాడు. తొలి మ్యాచ్‌లో జాదవ్ 24 బంతుల్లో మూడు ఫోర్లతో 20 పరుగులు చేశాడు.
కేదార్ జాదవ్ ఐపీఎల్‌లో కూడా 95 మ్యాచ్‌లు ఆడాడు. మొత్తం 81 ఇన్నింగ్స్‌లో నాలుగు అర్ధ సెంచరీల కొట్టాడు. మొత్తం 1208 పరుగులు చేశాడు. అందులో జాదవ్ బెస్ట్‌ స్కోర్‌ 69 పరుగులు. జాదవ్ ఐపీఎల్‌లో ఢిల్లీ క్యాపిటల్స్, చెన్నై సూపర్ కింగ్స్, సన్‌రైజర్స్ హైదరాబాద్ జట్లకు ప్రాతినిధ్యం వహించాడు.
