Visit:
Fire accident : ఉత్తరప్రదేశ్‌ (Uttarpradesh) లోని గోరఖ్‌పూర్‌ (Gorakhpur) లో భారీ అగ్నిప్రమాదం (Fire accident) జరిగింది. అకస్మాత్తుగా చెలరేగిన మంటలు కాసేపట్లోనే నాలుగు అంతస్తులకు వ్యాపించాయి. స్థానికుల ద్వారా సమాచారం అందుకున్న పోలీసులు, అగ్నిమాపక సిబ్బంది హుటాహుటిన ఘటనా ప్రాంతానికి చేరుకున్నారు. ఫైరింజన్‌ల సాయంతో మంటలను ఆర్పేశారు.
గోరఖ్‌పూర్‌లోని ఫౌజ్‌ మ్యూజియం ఎదురుగా ఉన్న అదర్వవేద రెస్టారెంట్ అండ్‌ బాంక్వెట్‌ హాల్‌లో మంటలు చెలరేగినట్లు ఆదివారం తెల్లవారుజామున తమకు సమాచారం అందిందని, వెంటనే తాము నాలుగు ఫైరింజన్‌ల సాయంతో ఘటనా ప్రాంతానికి చేరుకుని, మంటలను ఆర్పేశామని గోరఖ్‌పూర్‌ సీఎఫ్‌వో సంతోష్‌కుమార్‌ చెప్పారు.
మంటలను ఆర్పిన అనంతరం భవనాన్ని పరిశీలించగా మొదటి అంతస్తులోని వాష్‌రూమ్‌లో ఓ వ్యక్తి అపస్మారక స్థితిలో పడి ఉన్నాడని, అతడిని వెంటనే ఆస్పత్రికి తరలించామని ఆయన చెప్పారు. విద్యుత్‌ షార్ట్‌ సర్క్యూటే ప్రమాదానికి కారణం అయిఉండవచ్చని ప్రాథమిక విచారణలో తేలిందని తెలిపారు.
#WATCH | Gorakhpur, UP: Fire breaks out at a restaurant and banquet hall in Gorakhpur early this morning. Fire tenders reached the spot and doused the flames. pic.twitter.com/zkfckNQXxU
— ANI (@ANI) November 16, 2025
