Crime news | బీహార్‌లో ఇసుక మాఫియా అరాచకం.. అడ్డు చెప్పిన మహిళా ఆఫీసర్‌పై క్రూరంగా దాడి.. వీడియో

Crime news | బీహార్‌లో ఇసుక మాఫియా బరితెగించింది. ఇసుక అక్రమ తవ్వకాలను అడ్డుకున్నందుకు ఓ మహిళా ఆఫీసర్‌పై దాడికి పాల్పడింది. ప్రాణ భయంతో పారిపోతున్న అధికారిణిని వెంబడించి రాళ్లు, మట్టిపెడ్డలతో కొట్టింది. ఆమెను కిందపడేసి నేలపై ఈడ్చింది.

పట్నా: బీహార్‌లో ఇసుక మాఫియా బరితెగించింది. ఇసుక అక్రమ తవ్వకాలను అడ్డుకున్నందుకు ఓ మహిళా ఆఫీసర్‌పై దాడికి పాల్పడింది. ప్రాణ భయంతో పారిపోతున్న అధికారిణిని వెంబడించి రాళ్లు, మట్టిపెడ్డలతో కొట్టింది. ఆమెను కిందపడేసి నేలపై ఈడ్చింది. దాడి సమయంలో కొందరు ఆ అధికారణిని అసభ్య పదజాలంతో దూషించారు. పట్నా జిల్లాలోని బిహ్త్ పట్టణంలో ఇవాళ ఉదయం ఈ అమానవీయ ఘటన చోటుచేసుకుంది.

ఘటనపై పోలీసులు కేసు నమోదు చేసి దర్యాప్తు చేపట్టారు. విచారణలో నిందితులుగా తేలిన వారిని అదుపులోకి తీసుకుంటున్నది. ఇప్పటి వరకు మొత్తం 3 ఎఫ్‌ఐఆర్‌లు నమోదు చేసి 44 మంది నిందితులను అరెస్ట్‌ చేశారు. ఇంకా ఈ ఘటనలో పాత్ర ఉన్న మిగతా వాళ్లను కూడా అదుపులోకి తీసుకునేందుకు పోలీసుల విచారణ కొనసాగుతున్నది.

కాగా, బిహ్త్‌ పట్టణంలో గత కొన్ని రోజులు ఇసుక అక్రమ మైనింగ్‌ జరుగుతున్నది. స్థానికుల ద్వారా సమాచారం అందుకున్న అధికారులు ఘటనా ప్రాంతానికి చేరుకుని అడ్డుకున్నారు. దీంతో ఆగ్రహించిన ఇసుక మాఫియా మహిళా అధికారిణిపై దాడికి దిగింది. ఈ దాడికి సంబంధించిన దృశ్యాలను కింది వీడియోలో వీక్షించవచ్చు..

#WATCH | Bihar: Woman officer from mining department dragged, attacked by people allegedly involved in illegal sand mining in Bihta town in Patna district.

(Note: Abusive language; viral video confirmed by police)

44 people arrested, 3 FIRs filed while raids underway to arrest… pic.twitter.com/EtKW1oedG3

— ANI (@ANI) April 17, 2023