అక్రమంగా తరలిస్తున్న హెరాయిన్‌ పట్టివేత.. దాని విలువ ఎంతో తెలుసా..?

Heroin seized | కస్టమ్స్‌ అధికారులు ఎంత పకడ్బందీగా వ్యవహరించినా అక్రమార్కుల తీరు మాత్రం మారడంలేదు. బంగారమో, మాదక ద్రవ్యాలో, విదేశీ కరెన్సీనో

న్యూఢిల్లీ: కస్టమ్స్‌ అధికారులు ఎంత పకడ్బందీగా వ్యవహరించినా అక్రమార్కుల తీరు మాత్రం మారడంలేదు. బంగారమో, మాదక ద్రవ్యాలో, విదేశీ కరెన్సీనో అక్రమంగా తరలిస్తూ నిత్యం ఎక్కడో ఒకచోట స్మగ్లర్లు పట్టుబడుతూనే ఉన్నారు. తాజాగా ఢిల్లీలోని ఇందిరాగాంధీ ఇంటర్నేషనల్‌ ఎయిర్‌పోర్టులో అలాంటి ఘటనే చోటుచేసుకుంది. హెరాయిన్‌ను అక్రమంగా తరలిస్తూ ఓ వ్యక్తి పట్టుబడ్డాడు.

బెల్జియం జాతీయుడైన ఓ ప్రయాణికుడు.. జోహన్నెస్‌బర్గ్‌ నుంచి ధోహా మీదుగా ఢిల్లీకి వచ్చాడు. ఎయిర్‌పోర్టులో అతని తీరును అనుమానించిన కస్టమ్స్‌ అధికారులు తనిఖీ చేయగా ఏకంగా 9 కిలోల హెరాయిన్‌ లభించింది. దాని విలువ రూ.69.95 కోట్లు ఉంటుందని తెలిపారు. అధికారుల కళ్లుగప్పడం కోసం నిందితుడు తెలివిగా సూట్‌కేసులోని రహస్య పొరలో హెరాయిన్‌ను సీల్‌ చేశాడు. అయినా కస్టమ్స్‌ అధికారులు దాన్ని కనిపెట్టి నిందితుడి ఆటకట్టించారు.

#WATCH | Air Customs at Delhi’s IGI Airport seized over 9 kg of Heroin, valued at Rs 69.95 Cr from a Belize national who arrived from Johannesburg via Doha. The contraband was concealed in a false bottom of a bag being carried by him: Custom officials pic.twitter.com/xNWr3OXfI7

— ANI (@ANI) October 31, 2022