న్యూఢిల్లీ: పిల్లలకే కాదు.. 50 ఏండ్లు దాటిన పెద్దలకూ వ్యాక్సినేషన్ అవసరమని, కోవిడ్ సహా గర్భాశయ క్యాన్సర్, ఫ్లూ, టీడాప్ లేదా టీడీ, న్యూమోకోకాల్, హెపటైటస్ బీ..మొదలైన వాటికి వ్యాక్సిన్లు ఉన్నాయన్న సంగతి చాలామందికి తెలియదని ప్రముఖ వైద్యులు, ఆరోగ్య నిపుణులు చెబుతున్నారు. వైద్యులు సూచించిన వ్యాక్సిన్లను 50 ఏండ్లు దాటినవారు తీసుకోవాలని, ప్రమాదకర వ్యాధుల బారినపడకుండా వ్యాక్సిన్లు రక్షణ కల్పిస్తాయని అసోసియేషన్ ఆఫ్ హెల్త్కేర్ ప్రొవైడర్స్ డైరెక్టర్ జనరల్ డాక్టర్ గిరిధర్ గ్యానీ చెప్పారు. వ్యాక్సిన్లు తీసుకోవటంలో నెలకొన్న నిర్లక్ష్యం భారత్లో సవాల్గా మారిందని రెజెన్సీ హాస్పిటల్ డైరెక్టర్ డా.యశ్ జవేరీ అన్నారు.