హెచ్‌-1బీ ప్రోగ్రామ్‌ రద్దుకు.. అమెరికా చట్టసభలో బిల్లు

వచ్చే ఏడాదినాటికి హెచ్‌-1బీ కార్యక్రమానికి ముగింపు పలకాలంటూ అమెరికా చట్టసభ సభ్యుడు ఒకరు బిల్లును ప్రవేశపెట్టారు. అమెరికా వలస విధానం, జాతీయత చట్టాన్ని, వీసా కార్యక్రమాన్ని రద్దు చేయాలని ప్రతిపాదిస్తూ ఫ్లోరిడా ప్రతినిధి, రిపబ్లికన్‌ గ్రెగ్‌ స్టీబ్‌ ‘ఎక్సైల్‌ యాక్ట్‌' పేరుతో ఈ బిల్లును తీసుకొచ్చారు.

వాషింగ్టన్‌, ఫిబ్రవరి10 : వచ్చే ఏడాదినాటికి హెచ్‌-1బీ కార్యక్రమానికి ముగింపు పలకాలంటూ అమెరికా చట్టసభ సభ్యుడు ఒకరు బిల్లును ప్రవేశపెట్టారు. అమెరికా వలస విధానం, జాతీయత చట్టాన్ని, వీసా కార్యక్రమాన్ని రద్దు చేయాలని ప్రతిపాదిస్తూ ఫ్లోరిడా ప్రతినిధి, రిపబ్లికన్‌ గ్రెగ్‌ స్టీబ్‌ ‘ఎక్సైల్‌ యాక్ట్‌’ పేరుతో ఈ బిల్లును తీసుకొచ్చారు. ఈ మేరకు ఆయన ‘ఎక్స్‌’ వేదికగా ఒక ప్రకటన విడుదల చేశారు.

‘అవినీతితో కూడిన హెచ్‌-1బీ కార్యక్రమంతో అమెరికా ఉద్యోగులు చాలాకాలంగా మోసపోతున్నారు. చౌకగా లభ్యమవుతున్న విదేశీ ఉద్యోగులను దిగుమతి చేసుకోవటం ద్వారా తమ ఆదాయాన్ని కాపాడుకోవడానికి కార్పొరేషన్లు ఈ వ్యవస్థను పదేపదే దుర్వినియోగం చేస్తున్నాయి. ఇది వేతనాలను అణచివేసింది. దీనివల్ల లక్షలాది మంది అమెరికన్లు మంచి జీతం పొందే ఉద్యోగాలకు దూరమయ్యారు’ అని స్టీబ్‌ తెలిపారు. ఇలాంటిదే ఓ బిల్లును గతంలో టేలర్‌ గ్రీన్‌ కూడా అమెరికా చట్టసభలో ప్రవేశపెట్టారు.