రూ.2 అదనపు వసూలుకు లక్ష జరిమానా

వాటర్‌ బాటిల్‌పై రూ.2 అదనంగా వసూలు చేసినందుకు ఉత్తరప్రదేశ్‌లోని హాథ్రస్‌లోని ఓ రెస్టారెంట్‌కు వినియోగదారుల కమిషన్‌ రూ.1.06 లక్షల జరిమానా, పరిహారం విధించింది.

హాథ్రస్‌ : వాటర్‌ బాటిల్‌పై రూ.2 అదనంగా వసూలు చేసినందుకు ఉత్తరప్రదేశ్‌లోని హాథ్రస్‌లోని ఓ రెస్టారెంట్‌కు వినియోగదారుల కమిషన్‌ రూ.1.06 లక్షల జరిమానా, పరిహారం విధించింది. బీబీసీఎన్‌ రాయల్‌ రెస్టారెంట్‌ అండ్‌ పార్టీ హాల్‌ గరిష్ఠ విక్రయ ధర రూ.18గా ఉన్న నీళ్ల బాటిల్‌కు రూ.20 వసూలు చేయడమే కాకుండా దానిపై విడిగా జీఎస్టీ కూడా విధించినట్టు ఫిర్యాదు నమోదైంది.

అదనపు ధర వసూలు గురించి రెస్టారెంట్‌కు ఫిర్యాదు చేసినప్పుడు ఆ అదనపు డబ్బును తిరిగి ఇవ్వడానికి నిరాకరించింది. కమిషన్‌ పలుమార్లు నోటీస్‌ జారీ చేసినా రెస్టారెంట్‌ యాజమాన్యం స్పందించలేదు. దీంతో కమిషన్‌ పై ఆదేశాలిచ్చింది.