Pregnant Woman Prisoner Escapes | ఆసుపత్రిలో చెకప్‌ సందర్భంగా.. తప్పించుకున్న గర్భిణీ ఖైదీ

Pregnant Woman Prisoner Escapes | గర్భిణీ ఖైదీ పోలీసుల కళ్లగప్పింది. ఆసుపత్రిలో చెకప్ సందర్భంగా తప్పించుకుని పారిపోయింది. దీంతో ఆ మహిళా ఖైదీ కోసం పోలీసులు వెతుకుతున్నారు.

భోపాల్‌: గర్భిణీ ఖైదీ పోలీసుల కళ్లగప్పింది. ఆసుపత్రిలో చెకప్ సందర్భంగా తప్పించుకుని పారిపోయింది. దీంతో ఆ మహిళా ఖైదీ కోసం పోలీసులు వెతుకుతున్నారు. (Pregnant Woman Prisoner Escapes) మధ్యప్రదేశ్‌ రాజధాని భోపాల్‌లో ఈ సంఘటన జరిగింది. విదిషా జిల్లాలోని కుర్వాయి ప్రాంతానికి చెందిన 24 ఏళ్ల సలేహా ఖురేషీ తన ప్రియుడ్ని హత్య చేసింది. దీంతో పోలీసులు ఆమెను అరెస్ట్‌ చేశారు. అయితే విదిషా జిల్లా జైలులో ఉన్న సలేహా గర్భవతిగా నిర్ధారణ అయ్యింది. ఈ నేపథ్యంలో ఏప్రిల్‌ 27న ఆమెను విదిషా జిల్లా జైలు నుంచి భోపాల్ సెంట్రల్ జైలుకు తరలించారు.

కాగా, విచారణ ఖైదీగా ఉన్న గర్భవతి అయిన సలేహాను వైద్య పరీక్షల కోసం శనివారం హమీదియా ఆసుపత్రికి తీసుకెళ్లారు. అయితే జైలు గార్డుల కళ్లగప్పిన ఆమె అక్కడి నుంచి తప్పించుకుంది. ఈ విషయం తెలుసుకున్న జైలు అధికారులు షాక్‌ అయ్యారు. కోహెఫిజా పోలీసులు, సెంట్రల్ జైలు అధికారులకు సమాచారం ఇచ్చారు. ఈ నేపథ్యంలో తప్పించుకుని పారిపోయిన గర్భిణీ ఖైదీ సలేహా కోసం పోలీసులు వెతుకుతున్నారు.