Visit:
Roof Collapse : కోల్కతా (Kolkata) లోని తారాతలా ఏరియా (Taaraatala Area) లో భారీ అగ్నిప్రమాదం చోటుచేసుకుంది. దాంతో నిర్మాణంలో ఉన్న మూడంతస్తుల గోదాం కుప్పకూలింది. ఈ ప్రమాదంలో ముగ్గురు కార్మికులు మృతిచెందారు. శిథిలాల కింద మరో 40 మందికిపైగా చిక్కుకున్నారు. ఈ 40 మందిలో ఇప్పటివరకు 10 మందిని రెస్క్యూ టీమ్స్ (Rescue Teams) రక్షించాయి.
మిగతా 30 మందిని రక్షించేందుకు సహాయక చర్యలు కొనసాగుతున్నాయి. గోదాం నిర్మాణంలో భారీ ఇనుప స్తంభాలు వాడటంతో సహాయక చర్యలు ఆటంకం ఏర్పడుతుందని నిపుణులు అంటున్నారు. అంతకుముందు ప్రమాదం జరగగానే స్థానికులు పోలీసులకు సమాచారం అందించారు. దాంతో పోలీసులు, అగ్నిమాపక సిబ్బంది కలిసి హుటాహుటిన ఘటనా ప్రాంతానికి చేరుకున్నారు.
