జంతర్‌ మంతర్‌కు ప్రత్యామ్నాయ స్థలాన్ని గుర్తించండి.. కేంద్రానికి సుప్రీంకోర్టు ఆదేశాలు

ఢిల్లీలోని జంతర్‌ మంతర్‌కు ప్రత్యామ్నాయంగా నిరసన తెలిపే స్థలాన్ని గుర్తించాలని సుప్రీంకోర్టు కేంద్రాన్ని ఆదేశించింది.

న్యూఢిల్లీ: ఆందోళనకారులు శాంతియుతంగా నిరసనలు తెలిపేందుకు తగిన స్థలం అవసరమని న్యాయస్థానం నొక్కిచెప్పింది. శాంతియుత నిరసనల నిర్వహణకు మరొక స్థలాన్ని కేటాయించే అంశాన్ని కేంద్రం పరిశీలిస్తున్నదని సొలిసిటర్‌ జనరల్‌ తుషార్‌ మెహతా సుప్రీంకు తెలిపారు.

‘వేరే ప్రాం తాన్ని ఎంపిక చేయడంపై మేము త్వరలోనే నిర్ణయం తీసుకుంటాం. ఇది చాలా మంచి సూచన. నిరసనకారుల తరపున హాజరైన సిబల్‌ కూడా దీనిని అంగీకరించారు’ అని మెహతా కోర్టుకు తెలిపారు. సీజేఐ సూర్యకాంత్‌ స్పందిస్తూ.. నిరసనకారులకు ప్రాథమిక సౌకర్యాలు అందేలా చూస్తూ, శాంతియుత నిరసనలను సులభతరం చేసేందుకు ప్రత్యామ్నాయ వేదికను గుర్తించాల్సిన సమయం ఆసన్నమైందని వ్యాఖ్యానించారు.