Viral news: ఈ రెజ్యూమ్ చెత్త‌బుట్ట‌లోకి కాదు.. పొట్ట‌లోకి వెళ్తుంది.. !!

ఏదైనా ఉద్యోగం కోసం క్రియేటివ్‌గా ద‌ర‌ఖాస్తు చేసుకోవాల‌నుకుంటున్నారా? కంపెనీల దృష్టిని మీవైపు తిప్పుకోవాల‌నుకుంటున్నారా? అయితే, ఈ వెరైటీ రెజ్యూమ్‌వైపు ఓ లుక్కేయండి. ఓ మేనేజ్‌మెంట్ ట్రైనీ వివిధ కంపెనీల‌కు పంపిన రెజ్యూమ్ ప్ర‌స్తుతం నెట్టింట వైర‌ల్‌గా మారింది. అత‌డు జొమాటో బాయ్ గెట‌ప్‌లో కంపెనీల‌కు పంపిన రెజ్యూమ్ పెద్ద పెద్ద కంపెనీల‌ను సైతం ఆక‌ట్టుకున్న‌ది.

న్యూఢిల్లీ: ఏదైనా ఉద్యోగం కోసం క్రియేటివ్‌గా ద‌ర‌ఖాస్తు చేసుకోవాల‌నుకుంటున్నారా? కంపెనీల దృష్టిని మీవైపు తిప్పుకోవాల‌నుకుంటున్నారా? అయితే, ఈ వెరైటీ రెజ్యూమ్‌వైపు ఓ లుక్కేయండి. ఓ మేనేజ్‌మెంట్ ట్రైనీ వివిధ కంపెనీల‌కు పంపిన రెజ్యూమ్ ప్ర‌స్తుతం నెట్టింట వైర‌ల్‌గా మారింది. అత‌డు జొమాటో బాయ్ గెట‌ప్‌లో కంపెనీల‌కు పంపిన రెజ్యూమ్ పెద్ద పెద్ద కంపెనీల‌ను సైతం ఆక‌ట్టుకున్న‌ది.

అమ‌న్ ఖండేవాల్‌.. జైపూర్‌కు చెందిన మేనేజ్‌మెంట్ ట్రైనీ. అంద‌రిలాగా రెజ్యూమ్ పంపితే త‌న‌ను ఎవ‌రు గుర్తిస్తారు? అని ఓ కొత్త ఉపాయం ఆలోచించాడు. జొమాటో బాయ్ అవ‌తార‌మెత్తి పేస్ట్రీ బాక్స్‌లో కేక్‌తోపాటు రెజ్యూమ్‌ను బెంగళూరులోని వివిధ స్టార్ట‌ప్ కంపెనీల‌కు పంపించాడు. ‘అన్ని రెజ్యూమ్‌లు చెత్త‌బుట్ట‌లోకి వెళ్లాయి.. కానీ, నా రెజ్యూమ్ మీ పొట్ట‌లోకి వెళ్తుంది.’ అనే క్యాప్ష‌న్‌తో ఇదే విష‌యాన్ని ట్విట‌ర్‌లో షేర్ చేశాడు.

అమ‌న్ ఖండేవాల్ కొత్త రెజ్యూమ్ ఐడియా నెటిజ‌న్లతోపాటు డ‌న్జో, జొమాటోను ఆక‌ట్ట‌కున్న‌ది. త‌మ‌కు ఢోక్లా స‌ప్లై చేయాల‌ని డ‌న్జో స‌ర‌దాగా కామెంట్ చేసింది. అలాగే, ఆ త‌ర్వాత ట్వీట్‌లో అమ‌న్ ఖండేవాల్ త‌న లింక్డ్ ఇన్ ప్రొపైల్‌ను షేర్ చేశాడు. అమన్ తన లింక్డ్‌ఇన్ ప్రొఫైల్ ప్రకారం పుణేలోని ఇన్‌స్టిట్యూట్ ఆఫ్ మేనేజ్‌మెంట్ డెవలప్‌మెంట్ అండ్ రీసెర్చ్ నుంచి పట్టభద్రుడయ్యాడు. అతను ఔత్సాహిక ప్రొడ‌క్ట్ మేనేజ‌ర్‌. అమ‌న్ ట్వీట్ నెట్టింట వైర‌ల్‌గా మారింది. అత‌డి సృజ‌నాత్మ‌క‌త‌ను అంద‌రూ ప్ర‌శంసిస్తున్నారు.

Dressed as a @zomato delivery boy I delivered my resume in a box of pastry.
Delivered it to a bunch of startups in Bengaluru.
Is this a @peakbengaluru moment.@zomato #resume pic.twitter.com/HOZM3TWYsE

— Aman Khandelwal (@AmanKhandelwall) July 2, 2022