Heart attack | విషాదం మిగిల్చిన వినోదం.. డ్యాన్స్‌ చేస్తూ గుండెపోటుతో కుప్పకూలిన టీచర్‌..!

Heart attack | భజన కళాకారులు పాటలు పాడుతుంటే కుటుంబసభ్యులు ఆనందంతో నృత్యాలు చేస్తున్నారు. ఒకరి తర్వాత ఒకరు కాసేపు విశ్రాంతి తీసుకుంటూ కాసేపు నృత్యం చేస్తున్నారు. ఈ క్రమంలోనే ప్రభుత్వ ఉపాధ్యాయుడు నృత్యం చేస్తూ గుండెపోటుతో కుప్పకూలాడు.

Heart attack : ప్రభుత్వ ఉపాధ్యాయుడి పదవీ విరమణ నేపథ్యంలో ఆయన కుటుంబానికి చెందిన సభ్యులంతా కలిసి ఆలయంలో వేడుక జరుపుకున్నారు. ఈ వేడుకలో భాగంగా భజన కార్యక్రమం ఏర్పాటు చేశారు. భజన కళాకారులు పాటలు పాడుతుంటే కుటుంబసభ్యులు ఆనందంతో నృత్యాలు చేస్తున్నారు. ఒకరి తర్వాత ఒకరు కాసేపు విశ్రాంతి తీసుకుంటూ కాసేపు నృత్యం చేస్తున్నారు. ఈ క్రమంలోనే ప్రభుత్వ ఉపాధ్యాయుడు నృత్యం చేస్తూ గుండెపోటుతో కుప్పకూలాడు.

వివరాల్లోకి వెళ్తే.. రాజస్థాన్‌లోని జైపూర్‌ జిల్లా కిష్ణగఢ్‌-రెన్వాల్‌ ఏరియాకు చెందిన ప్రభుత్వ ఉపాధ్యాయుడు మంగల్‌ జఖర్‌ ఇటీవల పదవీ విరమణ చేశారు. ఈ సందర్భంగా కుటుంబసభ్యులు స్థానిక ఆలయంలో వేడుకలు జరుపుకున్నారు. ఈ వేడుకలకు తమ దగ్గరి బంధువులను ఆహ్వానించారు. మంగల్‌ జఖర్ సొంత తమ్ముడు మన్నారామ్‌ జఖర్‌ కుటుంబం కూడా ఈ వేడుకల్లో పాల్గొన్నది. మన్నారామ్‌ జఖర్‌ కూడా ప్రభుత్వ ఉపాధ్యాయుడే. జోధ్‌పూర్‌లోని జూడ్‌ గ్రామంలో ఆయన ఉపాధ్యాయుడిగా పనిచేస్తున్నారు. అన్న రిటైర్‌మెంట్‌ వేడుకల్లో పాల్గొనేందుకు కిష్ణగఢ్‌కు వచ్చారు.

ఈ క్రమంలో ఆదివారం రాత్రి వేడుకలు మొదలుకాగానే మన్నారామ్‌ జఖర్‌ నృత్యం చేయడం మొదలుపెట్టారు. ఆ తర్వాత ఇతర కుటుంబసభ్యులు డ్యాన్స్‌ చేస్తుంటే కూర్చుని చూశారు. అర్ధరాత్రి 12 గంటల సమయంలో మరో పాటకు డ్యాన్స్‌ చేయడం మొదలుపెట్టాడు. ఆ తర్వాత రెండు నిమిషాలకే ఆయన గుండెపోటుతో కుప్పకూలారు. కుటుంబసభ్యులు 10 నిమిషాలపాటు సీపీఆర్‌ చేసినా కదలిక లేకపోవడంతో ఆస్పత్రికి తరలించారు. అయితే మన్నారామ్‌ అప్పటికే మరణించినట్లు వైద్యులు ధృవీకరించారు.

డాన్స్ చేస్తూ కుప్పకూలిన టీచర్.. గుండెపోటుతో మృతి

రాజస్థాన్ – జోధ్పూర్లో జఖార్ అనే ఈ టీచర్ ఇంట్లో ఫంక్షన్లో డాన్స్ వేస్తూ కుప్పకూలిపోయాడు.

వెంటనే అతన్ని ఆస్పత్రికి తరలించగా, అప్పటికే గుండెపోటుతో మరణించాడని డాక్టర్లు తెలిపారు. pic.twitter.com/lGV66UQzqy

— Telugu Scribe (@TeluguScribe) August 5, 2024