Swiggy delivery agent | మహిళను అనుచితంగా తాకిన స్విగ్గీ డెలివరీ ఏజెంట్.. అరెస్ట్

Swiggy delivery agent | ఫుడ్‌ పార్సిల్‌ ఇచ్చేందుకు వచ్చిన స్విగ్గీ డెలివరీ ఎగ్జిక్యూటివ్‌ (Swiggy delivery agent) ఒక మహిళ పట్ల అనుచితంగా ప్రవర్తించాడు. ఆమెను వెనుక నుంచి హగ్‌ చేసుకున్నాడు.

బెంగుళూరు: ఫుడ్‌ పార్సిల్‌ ఇచ్చేందుకు వచ్చిన స్విగ్గీ డెలివరీ ఎగ్జిక్యూటివ్‌ (Swiggy delivery agent) ఒక మహిళ పట్ల అనుచితంగా ప్రవర్తించాడు. ఆమెను వెనుక నుంచి హగ్‌ చేసుకున్నాడు. ఆ మహిళ ఫిర్యాదు చేయడంతో స్విగ్గీ డెలివరీ ఏజెంట్‌ను పోలీసులు అరెస్ట్‌ చేశారు. కర్ణాటక రాజధాని బెంగళూరులో ఈ సంఘటన జరిగింది. ఈ నెల 17న సాయంత్రం 6.30 గంటలకు స్విగ్గీ డెలివరీ ఎగ్జిక్యూటివ్‌ ఆకాష్ ఫుడ్‌ డెలివరీ కోసం ఐటీ సంస్థలో పని చేసే ఆరుషి ఇంటికి వెళ్లాడు. ఫుడ్‌ పార్సిల్‌ ఇచ్చిన తర్వాత బాత్‌రూమ్ వినియోగించుకుంటానని చెప్పాడు. ఆమె సరే అనడంతో బాత్‌రూమ్‌లోకి వెళ్లాడు.

కాగా, ఆకాష్‌ ఆ తర్వాత తాగు నీరు కావాలని ఆరుషిని అడిగాడు. మంచి నీటి కోసం కిచెన్‌లోకి ఆమె వెళ్లగా అతడు అనుసరించాడు. ఆమెను వెనుక నుంచి హగ్‌ చేసుకుని అనుచితంగా ప్రవర్తించారు. ఆమె గట్టిగా అరవడంతో అక్కడి నుంచి పారిపోయాడు. అనంతరం ఆరుషి స్థానిక పోలీసులకు ఫిర్యాదు చేసింది. దీంతో స్విగ్గీ డెలివరీ ఎగ్జిక్యూటివ్‌ ఆకాష్‌ను పోలీసులు అరెస్ట్‌ చేశారు. పలు సెక్షన్ల కింద కేసు నమోదు చేసి దర్యాప్తు చేస్తున్నారు.