న్యూఢిల్లీ: సార్స్ సీవోవీ-2 వైరస్లో ఉన్న స్పైక్ ప్రోటీన్(spike protein) వల్ల.. కోవిడ్ రోగుల్లో జ్ఞాపకశక్తి సమస్యలు(memory impairment) ఉత్పన్నం అవుతున్నట్లు ఓ అధ్యయనం ద్వారా తేల్చారు. ఎలుకలపై నిర్వహించిన స్టడీ ద్వారా ఈ విషయాన్ని నిర్ధారించారు. మానవ కణాల్లోకి ప్రవేశిస్తున్న స్పైక్ ప్రోటీన్ వల్ల మనుషుల్లో జ్ఞాపకశక్తి సమస్యలు వస్తున్నట్లు గుర్తించారు.
బ్రెజిల్లోని ఫెడరల్ యూనివర్సిటీ ఆఫ్ రియో డి జనారో పరిశోధకులు ఈ అధ్యయనాన్ని నిర్వహించారు. మెమోరీ సమస్యలు తలెత్తడానికి కారణం టీఎల్ఆర్4 రిసెప్టార్(TLR4 Receptor) అని కూడా గుర్తించారు. సెల్ రిపోర్ట్స్ అనే జర్నల్లో స్టడీ వివరాలను వెల్లడించారు. పోస్టు కోవిడ్ లక్షణాల(post covid symptoms)కు కారమైన అంశాలను ఆ స్టడీలో వివరించారు. ఎలుక మెదడులోకి స్పైక్ ప్రోటీన్ను పంపినప్పుడు.. మైక్రోగ్లియా యాక్టివేట్ అయినట్లు పరిశోధకులు గుర్తించారు.