Watch: పెళ్లిలో సోదరుడి పాత్ర పోషించిన సైనికులు.. విధుల్లో మరణించిన వధువు అన్న లోటు తీర్చారు

Soldiers Fulfil Late Brother's Role | ఆర్మీకి చెందిన సైనికులు అన్న పాత్ర పోషించారు. మిలిటరీ ఆపరేషన్‌లో మరణించిన జవాన్‌ సోదరి పెళ్లిని దగ్గరుండి జరిపించారు. సోదరుడు సాంప్రదాయకంగా నిర్వహించే పెళ్లి విధులన్నింటినీ ఆ రెజిమెంట్ సైనికులు నిర్వహించారు.

October 4, 2025 / 05:52 PM IST

Watch: పెళ్లిలో సోదరుడి పాత్ర పోషించిన సైనికులు.. విధుల్లో మరణించిన వధువు అన్న లోటు తీర్చారు

సిమ్లా: ఆర్మీకి చెందిన సైనికులు అన్న పాత్ర పోషించారు. మిలిటరీ ఆపరేషన్‌లో మరణించిన జవాన్‌ సోదరి పెళ్లిని దగ్గరుండి జరిపించారు. (Soldiers Fulfil Late Brother’s Role) సోదరుడు సాంప్రదాయకంగా చేయాల్సిన పెళ్లి విధులన్నింటినీ ఆ రెజిమెంట్ సైనికులు నిర్వహించారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. 2024 ఫిబ్రవరిలో అరుణాచల్ ప్రదేశ్‌లో జరిగిన ఆపరేషన్ అలర్ట్‌లో ఆర్మీకి చెందిన ఆశిష్ కుమార్‌ ప్రాణాలు కోల్పోయాడు. అయితే ఆ రెజిమెంట్ సైనికులు అతడి లేని లోటును తీర్చారు. ఆశిష్ కుమార్‌ సోదరి ఆరాధనకు అన్నగా నిలిచారు. హిమాచల్‌ ప్రదేశ్‌లోని సిర్మౌర్ జిల్లాలో జరిగిన ఆమె పెళ్లిలో ఆ రెజిమెంట్‌ సైనికులు, మాజీ సైనికులు పాల్గొన్నారు.

కాగా, వధువు ఆరాధనకు అన్నగా సైనికులు వ్యవహరించారు. ఆమెను మండపానికి తీసుకెళ్లారు. పెళ్లి ఆచారాల సమయంలో ఆమె పక్కనే ఉన్నారు. ఆ తర్వాత అత్తమామల ఇంటి వద్దకు కూడా ఆరాధనను తీసుకెళ్లారు.

ఒక సోదరుడు సాంప్రదాయకంగా చేయాల్సిన పెళ్లి విధులన్నింటినీ ఆ రెజిమెంట్ సైనికులు నిర్వహించారు. దీంతో ఆరాధన, ఆమె కుటుంబంతో పాటు పెళ్లికి వచ్చిన అతిథులు ఇది చూసి భావోద్వేగం చెందారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. దీంతో వధువుకు అన్నగా వ్యవహరించిన ఆ సైనికులను నెటిజన్లు ప్రశంసించారు.

Her brother was not there, but in his place the entire Army family stood tall. In Sirmaur, soldiers of the 19 Grenadier Battalion came in uniform for the wedding of martyred Ashish’s sister. Ashish made the supreme sacrifice at the border in 2024, and his comrades stood like true… pic.twitter.com/6GMkK2z3bq

— Nikhil saini (@iNikhilsaini) October 3, 2025