వంటింట్లో వాడుకొనే సోలార్‌ స్టౌ

సౌరశక్తితో నడిచే ఇండోర్‌ కుకింగ్‌ స్టౌవ్‌ను ఇండియన్‌ ఆయిల్‌ కార్పొరేషన్‌(ఐవోసీ) తయారు చేసింది. దీన్ని వాడాలంటే ఎండలో పెట్టాల్సిన అవసరం లేదు. కిచెన్‌లో పెట్టుకొని వాడుకోవచ్చు

తయారుచేసిన ఇండియన్‌ ఆయిల్‌ కార్పొరేషన్‌

న్యూఢిల్లీ, జూన్‌ 22: సౌరశక్తితో నడిచే ఇండోర్‌ కుకింగ్‌ స్టౌవ్‌ను ఇండియన్‌ ఆయిల్‌ కార్పొరేషన్‌(ఐవోసీ) తయారు చేసింది. దీన్ని వాడాలంటే ఎండలో పెట్టాల్సిన అవసరం లేదు. కిచెన్‌లో పెట్టుకొని వాడుకోవచ్చు. పొద్దంతా సౌరశక్తిని నిల్వ చేసుకోవడం ద్వారా రాత్రి కూడా ఇది పనిచేస్తుంది. దీనిని రీచార్జ్‌ కూడా చేసుకోవచ్చు.

ఈ సోలార్‌ స్టౌ పేరు ‘సూర్య నూతన్‌’. బుధవారం కేంద్ర చమురు శాఖ మంత్రి హర్దీప్‌ సింగ్‌ పురి అధికారిక నివాసంలో ఈ స్టౌపైనే అన్నం వండారు. స్టౌ సోలార్‌ ప్యానెళ్లు ఇంటి కప్పుపై ఉంటాయి. ఇవి సౌరశక్తిని గ్రహించి కేబుళ్ల ద్వారా స్టౌవ్‌కు పంపుతాయి. స్టౌవ్‌ లో సౌరశక్తి నిల్వ అవుతుంది. త్వరలో మార్కెట్‌లోకి విడుదల కానున్నది. ప్రస్తుతం స్టవ్‌ ధర రూ.18-రూ.30వేలు. సబ్సిడీతో రూ.10-రూ.12 వేల దాకా ఉంటుంది.