Krishna kumari Rai | ప్రమాణ స్వీకారం మరుసటి రోజే ఎమ్మెల్యే పదవికి రాజీనామా..

సిక్కిం ముఖ్యమంత్రి ప్రేమ్‌ సింగ్‌ తమాంగ్‌ సతీమణి కృష్ణకుమారి రాయ్‌ గురువారం తన ఎమ్మెల్యే పదవికి హఠాత్తుగా రాజీనామా చేశారు. ప్రమాణస్వీకారం చేసిన మరుసటి రోజే ఆమె ఎందుకు రాజీనామా చేశారో కారణాలు వెల్లడి కాలేదు. ఆమె రాజీనామాను స్పీకర్‌ ఎంఎన్‌ షెర్పా ఆమోదించారు.

Krishna kumari Rai | గ్యాంగ్‌టక్‌, జూన్‌ 13: సిక్కిం ముఖ్యమంత్రి ప్రేమ్‌ సింగ్‌ తమాంగ్‌ సతీమణి కృష్ణకుమారి రాయ్‌ గురువారం తన ఎమ్మెల్యే పదవికి హఠాత్తుగా రాజీనామా చేశారు. ప్రమాణస్వీకారం చేసిన మరుసటి రోజే ఆమె ఎందుకు రాజీనామా చేశారో కారణాలు వెల్లడి కాలేదు. ఆమె రాజీనామాను స్పీకర్‌ ఎంఎన్‌ షెర్పా ఆమోదించారు. ఇటీవల జరిగిన అసెంబ్లీ ఎన్నికల్లో ఆమె నంచిసింగితాంగ్‌ నియోజకవర్గం నుంచి ఎమ్మెల్యేగా నెగ్గారు.

ముఖ్యమంత్రిగా పెమా ఖండూ ప్రమాణ స్వీకారానికి హాజరయ్యేందుకు అరుణాచల్‌ ప్రదేశ్‌కు వెళ్లిన సీఎం ప్రేమ్‌సింగ్‌ తన భార్య రాజీనామాపై ఫేస్‌బుక్‌లో స్పందించారు. పార్టీ సంక్షేమం, లక్ష్యాలకు ప్రాధాన్యం ఇస్తూ పార్టీ ఏకగ్రీవ నిర్ణయంతో కృష్ణకుమారి రాయ్‌ తన స్థానాన్ని ఖాళీ చేశారని ఆయన తెలిపారు. తనతో పాటు మేడం కృష్ణరాయ్‌ సైతం ప్రజాసేవలో పూర్తిగా అంకితమవుతారని, నియోజకవర్గ అభివృద్ధికి కృషి చేస్తామని, అక్కడ ఎన్నికైన కొత్త అభ్యర్థికి పూర్తి సహకారం అందిస్తామని ఆయన హామీనిచ్చారు.