Kanpur Road Accident | స్కూల్‌ వ్యాన్‌, లారీ ఢీ.. పలువురు విద్యార్థులకు గాయాలు

Kanpur Road Accident | లారీని స్కూల్‌ వ్యాన్‌ ఢీకొట్టింది. ఈ ప్రమాదంలో అందులోని విద్యార్థులంతా గాయపడ్డారు. తీవ్రంగా గాయపడిన వారి పరిస్థితి విషమంగా ఉన్నట్లు తెలుస్తున్నది.

లక్నో: లారీని స్కూల్‌ వ్యాన్‌ ఢీకొట్టింది. ఈ ప్రమాదంలో అందులోని విద్యార్థులంతా గాయపడ్డారు. తీవ్రంగా గాయపడిన వారి పరిస్థితి విషమంగా ఉన్నట్లు తెలుస్తున్నది. ఉత్తరప్రదేశ్‌లోని కాన్పూర్‌లో ఈ సంఘటన జరిగింది. (Kanpur Road Accident ) గురువారం మధ్యాహ్నం హైవేపై వెళ్తున్న స్కూల్ వ్యాన్‌, లారీ ఢీకొన్నాయి.  దీంతో వ్యాన్‌లో ఉన్న విద్యార్థులంతా గాయపడ్డారు. ఈ సమాచారం తెలిసిన వెంటనే పోలీసులు సంఘటనా స్థలానికి చేరుకున్నారు. వెంటనే అంబులెన్స్‌లను రప్పించారు. స్పందించిన స్థానికులు గాయపడిన విద్యార్థులను అంబులెన్స్‌లోకి చేర్చి ఆసుపత్రికి తరలించారు. కొందరు పిల్లల పరిస్థితి విషమంగా ఉన్నట్లు తెలుస్తున్నది. కాన్పూర్‌లోని జీపీఆర్డీ కాలేజీకి చెందిన వ్యాన్‌గా గుర్తించారు.

కాగా, రోడ్డు ప్రమాదం జరిగిన చోట పరిస్థితి భయంకరంగా ఉంది. పిల్లల స్కూల్‌ బ్యాగులు రోడ్డుపై చెల్లాచెదురుగా పడ్డాయి. అక్కడ అంతటా రక్తం మరకలు ఉన్నాయి. పోలీసులు కేసు నమోదు చేసి దర్యాప్తు చేస్తున్నారు. మరోవైపు ఈ ప్రమాదానికి సంబంధించిన వీడియో క్లిప్స్‌ సోషల్‌ మీడియాలో వైరల్‌ అయ్యాయి.

कानपुर के अरौल में स्कूली बच्चों को लेकर जा रही गाड़ी ट्रक से टकराई। कई बच्चों के घायल होने की खबर। #Kanpur #RoadMishap @NBTLucknow pic.twitter.com/q36tQgDsHj

— Praveen Mohta (@MohtaPraveenn) February 8, 2024