Rajasthan Polls | సీఎం ప‌ద‌విపై స‌చిన్ పైల‌ట్ కీల‌క వ్యాఖ్య‌లు

రాజ‌స్ధాన్ (Rajasthan Polls) సీఎం రేసులో అశోక్ గెహ్లాట్‌తో మాజీ డిప్యూటీ స్పీక‌ర్ స‌చిన్ పైల‌ట్ త‌ల‌ప‌డుతుండ‌గా పార్టీ రెండు వ‌ర్గాలుగా చీలిపోయింది.

జైపూర్ : రాజ‌స్ధాన్ (Rajasthan Polls) సీఎం రేసులో అశోక్ గెహ్లాట్‌తో మాజీ డిప్యూటీ స్పీక‌ర్ స‌చిన్ పైల‌ట్ త‌ల‌ప‌డుతుండ‌గా పార్టీ రెండు వ‌ర్గాలుగా చీలిపోయింది. అసెంబ్లీ ఎన్నిక‌ల‌కు ముందు సీఎం ప‌ద‌విపై స‌చిన్ పైల‌ట్ స్పందించారు. ఉమ్మ‌డి నాయ‌క‌త్వం ప‌ట్ల పార్టీ మొగ్గుచూపుతుంద‌ని, పార్టీ అధికారంలోకి వ‌చ్చిన అనంత‌రం నేత‌ల‌కు ఏయే బాధ్య‌త‌లు అప్ప‌గించాల‌నేది అగ్ర నాయ‌క‌త్వం నిర్ణ‌యిస్తుంద‌ని చెప్పారు.

తాము స‌మిష్టిగా ఎన్నిక‌ల్లో పోరాడ‌తామ‌ని, మెజారిటీ సీట్లు సాధించిన అనంత‌రం ఎమ్మెల్యేల‌తో చ‌ర్చించిన మీదట హైక‌మాండ్ ప‌ద‌వుల‌పై ఓ నిర్ణ‌యం తీసుకుంటుంద‌ని అన్నారు. ఈ ప్ర‌క్రియ‌పై ఎవ‌రికైనా అభ్యంత‌రాలుంటే పార్టీ నాయ‌కత్వంతో చ‌ర్చించి ప‌రిష్క‌రించుకోవ‌చ్చ‌ని పైల‌ట్ వ్యాఖ్యానించారు. ప్ర‌జ‌లు త‌మ‌ను ఆశీర్వ‌దించి పాల‌నా ప‌గ్గాలు అప్ప‌గిస్తే అంద‌రం కూర్చుని ఎవ‌రికి ఏ బాధ్య‌త‌లు అప్ప‌గించాల‌నేది నిర్ణ‌యిస్తామ‌ని పేర్కొన్నారు.

2018లో ఇదే విధానం అనుస‌రించామ‌ని, ఇప్పుడు కూడా దీన్నే అనుస‌రిస్తామ‌ని స‌చిన్ పైల‌ట్ స్ప‌ష్టం చేశారు. కాగా రాజ‌స్ధాన్ అసెంబ్లీ ఎన్నిక‌ల‌కు ఈ నెల 25న పోలింగ్ జ‌ర‌గ‌నుండ‌గా డిసెంబ‌ర్ 3న ఓట్ల లెక్కింపు చేప‌ట్టి ఫ‌లితాలు ప్ర‌క‌టిస్తారు.

Read More :

Akhilesh Yadav | యూపీ కార్మికులు సొరంగంలో చిక్కుకుపోతే ఎన్నిక‌ల ప్ర‌చారంలో యోగి బిజీ : అఖిలేష్ యాద‌వ్