SCO Meeting: ఢిల్లీలో క‌లుసుకున్న ర‌ష్యా, చైనా ర‌క్ష‌ణ‌శాఖ మంత్రులు

SCO Meeting: ర‌ష్యా ర‌క్ష‌ణ మంత్రి సెర్గీ షోయిగు, చైనా ర‌క్ష‌ణ మంత్రి లీ షాంగ్‌పూ ఢిల్లీలో జ‌రుగుతున్న ఎస్సీవో మీటింగ్‌లో పాల్గొన్నారు. ప్రాంతీయ భ‌ద్ర‌త గురించి ర‌క్ష‌ణ మంత్రులు చ‌ర్చించారు. ఉగ్ర‌వాదంపై క‌లిసి పోరాడాల‌ని ర‌క్ష‌ణ మంత్రి రాజ్‌నాథ్ అన్నారు.

న్యూఢిల్లీ: షాంఘై కోఆప‌రేష‌న్ ఆర్గ‌నైజేష‌న్ మీటింగ్(SCO Meeting) ఇవాళ ఢిల్లీలో జ‌రిగింది. ఆ స‌మావేశంలో ర‌ష్యా ర‌క్ష‌ణ మంత్రి సెర్గీ షోయిగు, చైనా ర‌క్ష‌ణ మంత్రి లీ షాంగ్‌పూ పాల్గొన్నారు. ఎస్‌సీవో స‌భ్య‌దేశాల్లోని ర‌క్ష‌ణ మంత్రులు గ్రూపు ఫోటో దిగారు. ప్రాంతీయ భ‌ద్ర‌త అంశంపై ర‌క్ష‌ణ మంత్రులు చ‌ర్చించారు.

#WATCH | Russian Defence Minister Sergei Shoigu with Chinese Defence Minister Li Shangfu at SCO Defence Ministers' Meeting in Delhi pic.twitter.com/Ov4zWhP1ql

— ANI (@ANI) April 28, 2023

ఈ నేప‌థ్యంలో ర‌క్ష‌ణ మంత్రి రాజ్‌నాథ్ మాట్లాడారు. ఉగ్ర‌వాదంపై క‌లిసి క‌ట్టుగా పోరాడాల‌న్నారు. ఎస్సీవో బ‌ల‌ప‌డాలంటే, క‌లిసి పోరాడాల‌న్నారు. సోష‌ల్ మీడియా, క్రౌడ్ ఫండింగ్ లాంటి కొత్త ప‌ద్ధ‌తుల‌ను ఉగ్ర గ్రూపులు వినియోగిస్తున్న‌ట్లు చెప్పారు. మ‌న ముందున్న ఇలాంటి స‌వాళ్ల గురించి చ‌ర్చించి, ఈ స‌మావేశంలో ప‌రిష్కారాన్ని కనుక్కోవ‌చ్చు అన్నారు. ఎస్సీవో స‌భ్యుల మ‌ధ్య ర‌క్ష‌ణ స‌హ‌కారం మ‌రింత బ‌ల‌ప‌డాల‌ని ఆయ‌న ఆశాభావం వ్య‌క్తం చేశారు.