SUV | ఉత్తరప్రదేశ్ (Uttar Pradesh)లో షాకింగ్ ఘటన చోటు చేసుకుంది. ఓ వ్యక్తి తన ఎస్యూవీ (SUV) కారుని రివర్స్ చేస్తూ చూసుకోకుండా ఓ వృద్ధుడిపైకి ఎక్కించాడు. ఈ ఘటనలో ఆ వృద్ధుడు తీవ్ర గాయాలతో ఆసుపత్రి పాలయ్యాడు. ఇందుకు సంబంధించిన షాకింగ్ వీడియో ప్రస్తుతం వైరల్ అవుతోంది.
యూపీలోని ఝాన్సీ (Jhansi) ప్రాంతంలోగల రద్దీగా ఉండే సిప్రి బజార్ (Sipri Bazaar)లో ఈ ఘటన చోటు చేసుకుంది. అక్కడ ఇరుకైన వీధిలో ఓ వ్యక్తి తన టొయోటా ఫార్చూనర్ కారును రివర్స్ చేస్తున్నాడు. అప్పటికే అక్కడ రోడ్డుకు ఇరువైపులా రెండు కార్లు ఆగి ఉన్నాయి. వాటి మధ్యలోంచి కారును రివర్స్ చేస్తున్నాడు. అదే సమయంలో రాజేంద్ర గుప్తా (Rajendra Gupta) అనే 70 ఏళ్ల వృద్ధుడు అటుగా వెళ్తున్నాడు. ఇది గమనించిన డ్రైవర్ కారును అలాగే వెనక్కి నడుపుతూ వృద్ధుడిని ఢీ కొట్టాడు. దీంతో అతడు కిందపడిపోయాడు. వృద్ధుడిని గమనించని డ్రైవర్ కారును అతడిపై నుంచి అలానే వెనక్కి పోనిచ్చాడు.
కొంత దూరం వరకూ వృద్ధుడిని కారుతో లాక్కెళ్లాడు. అనంతరం కారును ఆపి మళ్లీ ముందుకు నడిపి మరోసారి వృద్ధుడిపైకి ఎక్కించాడు. ఈ ఘటనలో వృద్ధుడు తీవ్ర గాయాలతో విలవిల్లాడిపోతూ గట్టిగా కేకలు వేశాడు. అరుపులు విన్న స్థానికులు వెంటనే అక్కడికి చేరుకొని కారు కింద నలిగిపోతున్న రాజేంద్ర గుప్తాని బయటకు తీశారు. వెంటనే ఆసుపత్రికి తరలించారు. వృద్ధుడి కుమారుడి ఫిర్యాదు మేరకు పోలీసులు పలు సెక్షన్ల కింద కేసు నమోదు చేశారు. ఘటనకు సంబంధించిన షాకింగ్ దృశ్యాలు అక్కడే ఉన్న సీసీటీవీ ఫుటేజ్లో రికార్డైంది. ప్రస్తుతం ఈ వీడియో నెట్టింట వైరల్గా మారింది.
झांसी में दिल दहला देने वाला वीडियो आया सामने
कार के पीछे खड़े व्यक्ति को कार ने कुचला
पूरी घटना सीसीटीवी कैमरे में हुई कैद
सीपरी बाजार थाना क्षेत्र की बताई जा रही घटना#Jhansi | @jhansipolice #UttarPradesh pic.twitter.com/GI50GOGeAL— Abhitosh Singh अभितोष सिंह 🇮🇳 (@abhitoshsingh) May 24, 2024
Also Read..
Siddaramaiah | ప్రజ్వల్ను దేవెగౌడే విదేశాలకు పంపించి ఉంటాడు.. సిద్ధరామయ్య సంచలన ఆరోపణ
Swati Maliwal | ఎంపీ పదవికి రాజీనామా చేసే ప్రసక్తే లేదు : స్వాతి మలివాల్
Rajinikanth | తమిళ సూపర్స్టార్ రజనీకాంత్కు యూఏఈ గోల్డెన్ వీసా