Rajinikanth | తమిళ సూపర్‌స్టార్‌ రజనీకాంత్‌కు యూఏఈ గోల్డెన్‌ వీసా

Rajinikanth | తమిళ సూపర్‌స్టార్‌ రజనీకాంత్‌ (Rajinikanth)కు అరుదైన గౌరవం దక్కింది. యునైటెడ్‌ అరబ్‌ ఎమిరేట్స్‌ (యూఏఈ) నుంచి గోల్డెన్‌ వీసా (UAE Golden Visa) అందుకున్నారు.

Rajinikanth | తమిళ సూపర్‌స్టార్‌ రజనీకాంత్‌ (Rajinikanth)కు అరుదైన గౌరవం దక్కింది. యునైటెడ్‌ అరబ్‌ ఎమిరేట్స్‌ (యూఏఈ) నుంచి గోల్డెన్‌ వీసా (UAE Golden Visa) అందుకున్నారు. ఈ విషయాన్ని సోషల్‌ మీడియా ద్వారా అభిమానులతో పంచుకుంటూ సూపర్‌ స్టార్‌ సంతోషం వ్యక్తం చేశారు. యూఏఈ గోల్డెన్‌ వీసా పొందడం గౌరవంగా భావిస్తున్నట్లు చెప్పారు. ఈ సందర్భంగా యూఏఈ ప్రభుత్వానికి రజనీకాంత్‌ కృతజ్ఞతలు తెలిపారు.

పెట్టుబడిదారులు, వ్యవస్థాపకులు, శాస్త్రవేత్తలు, నటులు, సాహిత్యం, క‌ల్చర్‌, అసాధారణ ప్రతిభ కలిగిన గ్రాడ్యుయేటర్లు.. ఇలా వివిధ రంగాలకు చెందిన వారికి 10 ఏళ్ల కాలపరిమితితో యూఏఈ ఈ ప్రత్యేక వీసాలను అందిస్తోంది. ఈ వీసా పొందిన వారు ఎలాంటి ఆంక్షలు లేకుండా యూఏఈలో దీర్ఘకాలికంగా నివ‌సించే వీలు ఉంటుంది. 2019 నుంచి ఈ గోల్డెన్ వీసాలు మంజూరు చేయ‌డం మొద‌లైంది. ఈ వీసాల‌కు 10 సంవ‌త్సరాల కాల‌ప‌రిమితి ఉంటుంది. ఆ త‌ర్వాత అవే రెన్యువ‌ల్ అవుతాయి. ఈ వీసాతో యూఏఈ పౌరులుగా ప్రభుత్వం క‌ల్పించే అన్ని ప్రయోజ‌నాల‌ను పొంద‌వ‌చ్చు. అలాగే వంద శాతం ఓన‌ర్‌షిప్‌తో ఆ దేశంలో వ్యాపారాలు నిర్వహించుకోవ‌చ్చు.

ఇక యూఏఈ ప్రభుత్వం జారీ చేసే ఈ గోల్డెన్ వీసాను భార‌త్ నుంచి సినీ ప్రముఖుల్లో మొద‌ట‌గా షారుఖ్‌ఖాన్ అందుకున్నాడు. ఆ త‌ర్వాత బాలీవుడ్ న‌టులు సంజ‌య్ ద‌త్‌, సునీల్ శెట్టి, మౌనీ రాయ్‌, ఫ‌రా ఖాన్‌, బోనీ క‌పూర్ ఫ్యామిలీ , నేహా క‌క్కర్‌, సింగ‌ర్ సోనూ నిగ‌మ్ ఈ వీసాను పొందారు. ఈ వీసాను అందుకున్న తొలి త‌మిళ కథానాయిక‌గా త్రిష రికార్డుకెక్కింది. ఆమె త‌ర్వాత అమ‌లాపాల్ ఈ వీసాను పొందింది. మ‌ల‌యాళ ఇండ‌స్ట్రీ విష‌యానికొస్తే మోహ‌న్ లాల్‌, మ‌మ్ముట్టి, టోవినో థామ‌స్‌, దుల్కర్ స‌ల్మాన్ ఈ గోల్డెన్ వీసాను అందుకున్నారు. ఇక టాలీవుడ్ సినీ ప్రముఖుల్లో ఈ వీసా అందుకున్న మొద‌టి వ్యక్తిగా ఉపాస‌న నిలిచారు. ఆ తర్వాత అల్లు అర్జున్‌కు కూడా ఈ వీసా వరించింది. ఇక టెన్నిస్ స్టార్ సానియా మీర్జా, ఆమె భ‌ర్త షోయెబ్ మాలిక్ కూడా యూఏఈ ప్రభుత్వం నుంచి గోల్డెన్ వీసా అందుకున్నారు.

Also Read..

Aditi Rao Hydari | కేన్స్‌లో అదితి మెరుపులు.. హాఫ్‌ షోల్డర్‌ వైట్‌ అండ్‌ బ్లాక్‌ డ్రెస్‌లో రెడ్‌ కార్పెట్‌పై హొయలు

Shadnagar | ఆస్ట్రేలియాలో షాద్‌న‌గ‌ర్ వాసి అనుమానాస్ప‌ద మృతి

Kedarnath: కేదార్‌నాథ్‌లో హెలికాప్ట‌ర్ ఎమ‌ర్జెన్సీ ల్యాండింగ్