Prakash Ambedkar: మ‌నుస్మృతి కాపీల‌ను మోదీ, రాహుల్ త‌గ‌ల‌బెట్టాలి: ప్ర‌కాశ్ అంబేద్క‌ర్‌

Prakash Ambedkar: బీజేపీ, కాంగ్రెస్ పార్టీలు రాజ్యాంగాన్ని వెన్నుపోటు పొడిచాయ‌ని.. ఒక‌వేళ ప్ర‌ధాని మోదీ, ప్ర‌తిప‌క్ష నేత రాహుల్ గాంధీ.. భార‌త రాజ్యాంగాన్ని గౌర‌విస్తే, అప్పుడు వాళ్లు మ‌నుస్మృతి కాపీల‌ను త‌గుల‌బెట్టాల‌ని వంచిత్ బ‌హుజ‌న్ అగాధీ వ్య‌వ‌స్థాప‌కుడు ప్ర‌కాశ్ అంబేద్క‌ర్ తెలిపారు.

ముంబై: ఒక‌వేళ ప్ర‌ధాని మోదీ, ప్ర‌తిప‌క్ష నేత రాహుల్ గాంధీ.. భార‌త రాజ్యాంగాన్ని గౌర‌విస్తే, అప్పుడు వాళ్లు మ‌నుస్మృతి కాపీల‌ను త‌గుల‌బెట్టాల‌ని వంచిత్ బ‌హుజ‌న్ అగాధీ వ్య‌వ‌స్థాప‌కుడు ప్ర‌కాశ్ అంబేద్క‌ర్(Prakash Ambedkar) తెలిపారు. రాజ్యాంగాన్ని రాసిన బాబా సాహెబ్ అంబేద్క‌ర్ మ‌నువ‌డే ప్ర‌కాశ్ అంబేద్క‌ర్‌. ఆయ‌న ఓ న్యాయ‌వాది, రాజ‌కీయ‌వేత్త‌, సామాజిక కార్య‌క‌ర్త‌. గ‌తంలో రాజ్య‌స‌భ‌, లోక్‌స‌భ స‌భ్యుడిగా చేశారు. ఒవ‌కేళ బీజేపీ, కాంగ్రెస్ పార్టీలు నిజంగా రాజ్యాంగాన్ని ప్రేమిస్తే, అప్పుడు మ‌నుస్మృతి కాపీల‌ను త‌గుల‌బెట్టాల‌ని మోదీ, రాహుల్‌ను డిమాండ్ చేస్తున్న‌ట్లు ప్ర‌కాశ్ అంబేద్క‌ర్ తెలిపారు.

బీజేపీ, కాంగ్రెస్ పార్టీలు రాజ్యాంగాన్ని వెన్నుపోటు పొడిచాయ‌న్నారు. పేదవారిని, అణ‌గారిన కులాల‌ను ఆ పార్టీలు మోసం చేశాయ‌న్నారు. రాజ్యాంగంలో బాబా సాహెబ్ పొందుప‌రిచిన ఆశ‌యాల‌ను, విలువ‌ల‌కు ఆ పార్టీలు తూట్లు పొడిచాయ‌ని ప్ర‌కాశ్ అంబేద్క‌ర్ ఆరోపించారు. న్యాయ విద్యార్థుల‌కు మ‌నుస్మృతి బోధించాల‌ని ఇటీవ‌ల ఢిల్లీ వ‌ర్సిటీలో ఓ ప్ర‌తిపాద‌న వ‌చ్చిన విష‌యం తెలిసిందే. ఆ ప్రతిపాద‌న‌ను వ‌ర్సిటీ వీసీ కొట్టిపారేశారు.