న్యూఢిల్లీ: సాధారణంగా పిల్లలు చేసే చేష్టలు చూస్తే నవ్వొస్తుంది. ప్రత్యేకించి జంతువులతోపాటు వాటి పిల్లల చేష్టలు వింతగాను, నవ్వు పుట్టించేవిగా ఉంటాయి. ఒక ఏనుగు పిల్ల (Baby Elephant) కూడా ఇలాగే ప్రవర్తించింది. దాని ముఖానికి వేలాడుతున్న చిన్న తొండాన్ని (Baby Elephant Trunk) చూసుకుని అది గందరగోళానికి గురవుతుంది. ‘నా తొండం ఇలా ఉందేమిటి?’ అని కొంత ఆశ్చర్యపోతుంది. తొండాన్ని నేలకు ఆనిస్తుంది. కాలితో దానిని తొక్కుతుంది. తొండాన్ని పైకి ఎత్తడంతోపాటు మెలి పెడుతుంది.
కాగా, ‘మిమ్మల్ని ఆశ్చర్యపరిచే వీడియోలు’ అన్న పేరున్న యూజర్ ఈ వీడియోను ట్విట్టర్లో పోస్ట్ చేశారు. దీంతో ఈ వీడియో క్లిప్ సోషల్ మీడియాలో వైరల్ అయ్యింది. క్యూట్ ఏనుగు పిల్ల వీడియోపై నెటిజన్లు భిన్నంగా స్పందించారు. చూడచక్కని వీడియో అంటూ కొందరు కితాబు ఇచ్చారు. భూమిపైకి అడుగుపెట్టిన ఆ బుల్లి ఏనుగు పరిసరాలకు అలవాటు పడేందుకు, తన శరీరాన్ని అర్థం చేసుకునేందుకు ప్రయత్నిస్తున్నదని కొందరు పేర్కొన్నారు.
మరోవైపు ఏనుగు పిల్ల ఒక ఏడాది వరకు తన తొండాన్ని నియంత్రించుకోవడాన్ని నేర్చుకోలేదని జంతుశాస్త్ర నిఫుణులు తెలిపారు. ఇక ఏనుగు తొండం అనేది దాని ముక్కు, పై పెదవి కలయిక భాగం. దీంతో నోటితోపాటు ముక్కుగాను తొండం పని చేస్తుంది. అంతేగాక పట్టుకోవడం, నీరు తాగడం, వాసన చూడటం, ప్రేమను వ్యక్తం వంటి అనేక పనులకు వాటి తొండం సహకరిస్తుంది. ఇలా అన్ని పనులకు సహాయపడే ఏనుగు తొండంలో సుమారు 40,000 కండరాలు ఉంటాయి. అలాగే సుమారు 19 కిలోమీటర్ల దూరంలో ఉన్న ఆహారం, నీటి వాసనను ఏనుగులు తమ తొండంతో పసిగడతాయి.
Baby elephant confused about his trunk 🥹 pic.twitter.com/FeorWkc77n
— Videos that will surprise you 😳 (@moistonig) April 4, 2023