3డీ ప్రింటింగ్‌తో ఎన్‌95 మాస్కు

న్యూఢిల్లీ, జూన్‌ 27: హర్యానాలోని అమిటీ యూనివర్సిటీకి చెందిన పరిశోధకులు 3డీ ప్రింటింగ్‌ టెక్నాలజీతో ఎన్‌95 మాస్కును తయారు చేశారు. నాలుగు పొరలతో కూడిన ఈ మాస్కును తిరిగి వినియోగించవచ్చు. ఉతకవచ్చు. దుర్వాసన రాదు. సూక్ష్మజీవి రహితమైనది. నాన్‌ అల్లర్జిక్‌. బయటి పొరను సిలికాన్‌తో తయారు చేశారు. ఇది ఐదేండ్ల వరకు పాడవకుండా ఉంటుంది. అమెరికాలోని నెబ్రాస్కా యూనివర్సిటీతో కలిసి ఈ మాస్కును తయారు చేశారు.