Girl Gang Raped | కదులుతున్న కారులో.. నెలలుగా బాలికపై సామూహిక అత్యాచారం

Girl Gang Raped | కదులుతున్న కారులో ఒక బాలికపై కొన్ని నెలలుగా కొందరు వ్యక్తులు సామూహిక అత్యాచారానికి పాల్పడ్డారు. ఆ కారుపై అనుమానించిన స్థానికులు దానిని అడ్డుకుని ఆ బాలికను రక్షించారు. పోలీసులకు సమాచారం ఇవ్వడంతో ఐదుగురిని అరెస్ట్‌ చేశారు.

గువాహతి: కదులుతున్న కారులో ఒక బాలికపై కొన్ని నెలలుగా కొందరు వ్యక్తులు సామూహిక అత్యాచారానికి పాల్పడ్డారు. ఆ కారుపై అనుమానించిన స్థానికులు దానిని అడ్డుకుని ఆ బాలికను రక్షించారు. పోలీసులకు సమాచారం ఇవ్వడంతో ఐదుగురిని అరెస్ట్‌ చేశారు. (Girl Gang Raped) అస్సాంలోని బిశ్వనాథ్ జిల్లాలో ఈ సంఘటన జరిగింది. 15 ఏళ్ల బాలికకు ఆహారం ఆశ చూపి కొందరు వ్యక్తులు కిడ్నాప్‌ చేశారు. కారులో ఆమెను ఎక్కించుకున్నారు. కదులుతున్న ఆ వాహనంలో కొన్ని నెలలుగా ఆ బాలికపై సామూహిక అత్యాచారానికి పాల్పడ్డారు.

కాగా, బిశ్వనాథ్ చారియాలి పోలీస్ స్టేషన్ పరిధిలోని ప్రాంతానికి చెందిన స్థానికులు ఆ కారును అనుమానించి అడ్డుకున్నారు. బాలిక, కారులోని వ్యక్తులు అభ్యంతరకరమైన, అర్ధ నగ్న స్థితిలో కనిపించడంతో పోలీసులకు సమాచారం ఇచ్చారు. దీంతో వారు అక్కడకు చేరుకున్నారు. ఆ బాలికను రక్షించారు.

మరోవైపు కారులోని వ్యక్తులు కదులుతున్న ఆ వాహనం లోపల కొన్ని నెలలుగా తనపై బలవంతంగా లైంగిక దాడికి పాల్పడినట్లు ఆ బాలిక ఆరోపించింది. దీంతో ఐదుగురు వ్యక్తులను పోలీసులు అరెస్ట్ చేశారు. పలు సెక్షన్ల కింద వారిపై కేసు నమోదు చేశారు. ఆ కారును స్వాధీనం చేసుకున్నారు. నిందితులను కోర్టులో ప్రవేశపెట్టి రిమాండ్‌ నిమిత్తం జైలుకు తరలించినట్లు పోలీస్‌ అధికారి వెల్లడించారు.