లక్నో: ఒకే అమ్మాయిని ఇద్దరు వ్యక్తులు ప్రేమించారు. ట్రైయాంగిల్ లవ్ (love triangle) నేపథ్యంలో జరిగిన ఘర్షణలో ఒక వ్యక్తి తన స్నేహితుడిపై తుపాకీతో కాల్పులు జరిపి చంపాడు. ఉత్తరప్రదేశ్లోని అలీగఢ్లో ఈ సంఘటన జరిగింది. బబ్లూ, అతడి స్నేహితుడైన ఆర్యన్ పండిట్ ఒకే మహిళను ప్రేమించారు. దీంతో ఈ విషయంపై వారి మధ్య తరచుగా గొడవ జరుగుతున్నది. ఈ నేపథ్యంలో ఆదర్శ్ నగర్ ప్రాంతంలో ఒక బుల్లెట్ బైక్ వద్ద ముగ్గురు వ్యక్తులు మాట్లాడుకుంటున్నారు. ఇంతలో ఇద్దరు వ్యక్తులు మరో బైక్పై ఆ ప్రాంతానికి వచ్చారు. బబ్లూ తొలుత ఆర్యన్ చెంపపై కొట్టాడు. అనంతరం గన్తో అతడిపై కాల్పులు జరిపి పారిపోయాడు.
కాగా, ఈ విషయం తెలుసుకున్న పోలీసులు వెంటనే సంఘటనా స్థలానికి చేరుకున్నారు. కాల్పుల్లో తీవ్రంగా గాయపడిన ఆర్యన్ను హాస్పిటల్కు తరలించారు. అయితే చికిత్స పొందుతూ అతడు మరణించాడు. ఈ నేపథ్యంలో బబ్లూపై పోలీసులు కేసు నమోదు చేశారు. పరారీలో ఉన్న అతడి కోసం వెతుకుతున్నారు. అలాగే కాల్పులు జరిగిన ప్రాంతానికి ఫోరెన్సిక్ బృందం చేరుకుని ఆధారాలు సేకరించింది.